اشم وردات طولك من تمر بهداي ،،
بعيوني واتيه ابوردة عيونك
ما اغتث زعل وعيون غيري اتشوف ،،
يشوفونك نعم بس ما يشمونك
شيلت حاجبك كَعدت اباب البال ،،
واشلعت باب بالي شيلت امتونك
شفتينك محاره مو صدف عرموط ،،
من تحجي ايتطشر لؤلؤ سنونك
اشوفن حجم ثغرك وي وجهك صار ،،
حبة بزمكي والوجه ماعونك
ارسمك اشتهي ويضيع بيدي اللون ،،
مثل لون المطر ما يرسم لونك
يل ظافر الليل وي الكَصيبه بليل ،،
انصحك دير بالك لا يظفرونك
اسمك ابجدية من الألف للياء ،،
نص وباللفظ لازم يرتلونك
صك العافية ابوسة اخدودك صار ،،
وإن بالطيف يمنح لليبوسونك
موضوع الغزل رواد كتبت بيه ،،
نعم بيه ابدعوا بس ما يكتبونك
حلو لاسيما عندك حلاوة روح ،،
يسكرون بشعرهم من يضوكَونك
لغة حسنك عجيبة تعجز الأعراب ،،
بكل فن القواعد ما يعربونك
شلت بأوتار صوتك أجمل النوتات ،،
يعزفن لحن صوتك لليسمعونك
تتراقص بلابل فوكَـ غصن التوت ،،
وتغني الحدائق من يعزفونك
مماليك الجمال بروضتك خدام ،،
يشذبون بحسنهم من يخدمونك
تتوضه بندى وتلبس احرام ال
ياس ،،
فرض حسنك وجب لازم يطوفونك
احمدماضي
رد مع اقتباس
المشاركة الأصلية كتبت بواسطة أَحاَسِيس مهَـدّوِية..❀
