السلام عليكم ..
خُلاصة الحَديث الذي يود قَولهه ابو جاسم ..
يمعودات بعض الشباب اسد مُفترس ..
انتِ ليش اتخلين الأسد يهجم عليچ ..؟؟؟
مو هو من ايشوفچ لابسه لبس تووووب ..
راح يهجم عليچ مابيهه كل مجال ..
وبعدين الشاب من اتسئله ليش هيچ اتسوي ..؟؟؟
راح ايگلك ،چا هيّ روح لو خشبه ..
خرررررب عمي ..
..
أباح الله تعالى للمرأة إرتداء ما يحلو لها في بيتها ، و عند الخروج من بيتها ايضاً أباح لها ارتداء ما تريد ، "سواء أكان بنطال او عباءة" شرط ان لا يكون زينة او مبرزاً لمفاتن جسمها !
قال تعالى:{ يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا}. [سورة الأحزاب: 59].
وكذلك فرض (جل و على) على الرجال غضُّ أبصارهم (قُلْ لِلْمُؤْمِنِينَ يَغُضُّوا مِنْ أَبْصَارِهِمْ) .[النور 29]
و إنما فرض الله ذلك على المرأة لأنها كـ جوهرة ! ،وجدت لـ تُصان .
في النهاية أقول إن : {كُلُّ نَفْسٍ بِمَا كَسَبَتْ رَهِينَةٌ }(المدثر - 38)
ماكو آية بالقرآن تفرض الحجاب والعباءة واللبس الفضفاض والمكياج على المرأة .
المسألة مجرد انعكاس لعادات وتقاليد صحراوية قديمة تم حشرها في الدين الاسلامي للتناسب مع ذكورية المجتمع وفرض هيمنة الرجل وسيطرته على المرأة .
قال تعالى:{ يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا}. [سورة الأحزاب: 59].
المقصود بـ ( جلابيبهن ) هنا ، هو اي لباس ممكن ترتديه المرأة لستر عورتها وعدم اضهار المناطق الحساسة من الجسم ،، حتى وان كان ( بكيني ) ملابس سباحة .
صديقي الورد نورت الدرر و اهلا و سهلا بيك اول مرة اتشرف بيك ، ذكرتني بالغالي عاشق ساندرا ههه
خل نسولف وحدة وحدة اولاً موضوع من جانب المرأة ، اعتقد صرنا في زمن بعد عيب انه نشكل ع بنية اذا كانت لابسة جينز او فستان مخصر جسدها ، العالم يومية دا يتطور و يشغل عقله حتى ينتج علم ينتفع به فهاي سوالف عيب نسولف بيها ، اما بالنسبة للذكر تره اكو اشخاص لو يشوف بنية بالبكيني ما تثيرة ، و اكو حتى بشواطئ العراة يشوفها وهي لابسة من غير هدوم وهم ماتكون اكو اثارة ، و اكو نوع لو يشوفله بزونة بالشارع تثيرة ، فهنا الي يحكمنا هو عقل الذكر ان كان مهووس بالجنس فهذا حاله حال الحيوان لان انسلب عقله
نجي لشغلة ثانية انطرحت عن قضية الحجاب قريتها برد الصديق الحبيب الاستاذ العراب انه الحجاب عادة بدوية قديمة و دخيلة ع الاسلام ، اذا اخذنا بكلامك و انه عادة قديمة من قبل الاسلام معناها فطرة الانسان كانت الستر مو صح ؟ شكو بيها اذا الاسلام اخذ الستر من الي قبله !
اما بالنسبة لقضية ماكو اية تفرض الحجاب فكلامك صحيح ماكو اية ذكرت الحجاب نصياً(ككلمة حجاب) ولا اكو شيء محدد لزي المرأة
لكن فكرة الحجاب هو امتثال لنهي جاء بالقران (ولا تبرجن) و التبرج حسب ما موجود بالمعجم هو من اصل بَرج ، بمعنى البرج العالي الملفت للنظر ، هنا المقصود بيها انه المرأة تحاول ما تجذب النظر و جلب النظر ما اله الية محددة قد تجلب النظر بكلامها مو شرط لبسها ولذلك نگول الحجاب هو مو فقط زي وانما معاملة و اخلاق
و الحجاب يبدأ من القلب و لكن لا يتوقف عند القلب ....
المشاركة الأصلية كتبت بواسطة العراب '
الحجاب فريضة شرعية ذكرت في القرآن الكريم (سورة النور : آية :٣١ و سورة الاحزاب: آية:٥٩) و هو من بديهيات التاريخ الاسلامي حيث كانت نساء النبي (صلى الله عليه و اله) و سائر النساء المؤمنات يواظبن عليها، كما هو واضح لمن اطلع على سيرة المسلمين منذ العصر الاول، بل هي من الفرائض المشتركة بين الاديان الالهية، حتى انّ المجتمعات المسيحية كانت تراعي ذلك على العموم الى عصر قريب و لا تزال صور (مريم) (عليها السلام) عندهم متضمنة لحجابها.
فـ أي دين تدين به جنابك ؟!
خلي نتفق بالاول انو الحجاب مو قياس لاي شيء بغض النظر عن كونه شرط من شروط الاسلام لانو اغلب البنات يلبسون الحجاب امتثالا للمجتمع مو للدين
الي فمته انك متقصد حجاب الراس تعليقك جان ع اللبس
وهالشي فعلا حقيقي اني بنت وهم مرات انقرف من طريقه اختيار ملابس لبعض البنات ، وانقهر عليهم ..
بس لو جانت هذي البنيه الي ذكرتها لابسه لبس محتشم هل حيبطلون يباعولها الي بالسوق ؟ اني اكلك ومن تجربه شخصية لا ، لانو ببساطه ماعرف شنو الي بعقل الرجل مستبيحله النظر كانو هو عادة طبيعيه مايكدر يعيش بدونها .
لذلك اني اتمنى من كل قلبي انو مثل مانردد شعارات التحرر والعصر الجديد انو البنوتات يفهمون هالنقطه و يلبسون لبس يليق بيهم وميخليهم عرضه للرايح والجاي مثل ميكولون .. لانو صح اتطورنا من جوانب لكن بعد جزء جبير من الانسان باقي تحت تصرف غريزته ^^
بالشعبي الفصيح ( اهل مكة ادرى بشعابها ) ( كلنا اولاد الگريّة وكل اخو يعرف أخيّه ) احسن جواب بسيط والكل يفهمه هو اللي كتبته صديقتنا مشمش
فكرة تطور الحجاب ، هي ذات الفكرة التي التي زرعت في نفوس وعقول هؤلاء الاطفال ، ثم تطورت مع مرور الزمن .
في مسألة الحجاب عند المسلمين لافرق بين الافكار الداعشيه والسنية والشيعية والحنبلية والوهابية والسلفية والمالكية وغيرها من المذاهب الاخرى .
…
صدمني انك كشخص مثقف وواعي استخدمت هيجي حجة حتى تأكد بيها كلامك وانت تعرف انه داعش وافكاره ماتمثل اي شخص عاقل
