هنا

[ارجع يازمان]

مجهول مدري اشكد قتل؟؟
حسين االساعدي
::::
مدري الوطن باع الشعب!
مدري الشعب باع الوطن,,
بيناتهم
ماكو ثقه,,
اسهوله وجباله اتسلحن!!
نص الاطفال
اتيتمت,,
نص النساء اترمنن!
مسكين
يا هذا الوطن,,
جان البعث حكم الظلم ,, وأسنينه بالكوه انكضن!
هسه لفوله اجم حزب!!,, وكل حزب عابدله وثن!
جان ابحكم طاغي ابتله
بس جان اله,,,,,,
,,,,,,ذاك الوزن!
هسه ابالف ذيل ونذل
للخارج ايوالي ويحن!
مسكين
يا هذا
االوطن,,
جانت حدوده امأمنه,,,هسه الاراضي اتفرهدن!!
الجوع جان اويه الأمن,, هسه ابشبع وبلا أمن,,
من الشعب,,
راح انتخب!!
جاب المصايب والشَجن,,
جاب النه وين الزاعته, ادروب الجداوه والوهن!
وين الذي عايش عله, افضالة المهجر والرهن!
وين الميحلم باالالف,, وهسه بالمليار إستَهن!
عائلته بالمهجر بقت,, تستلم خيرات البقن!
يامنصب ايفيد الشعب؟,,من المناصب ينشرن؟
صوج الشعب,
من انتخب؟
انتخب ناس اميسيره
أسوأ حكومه ابكل زمن,,

بس عالنفط لزمت سره
وعافت شعبها ابلا ثمن!

اربعه ارهاب امحضره
الكلمن رفض هذا الغبن!

كلمن يفك حلكه اندفن
ونفاركه ابلفة كفن,,

وكل الجرائم والفتن
ابذاكه مجهول اتسجلن!
أي ادري بس رت افتهم ,, ياهل خلك مو رحت أجن,
مجهول
مدري اشكد قتل؟
شو أبد ما طب السجن؟
زاد الظلم,,
زاد القهر,,
داخ الشعب يا ابا الحسن!
والثائر البي لو طلع ,,, باأهل اللواكه يمتحن!!
استسلم الهذا الوضع,,المهم راتب والسكن!
وايتامه كلها اتسربتت والشارع انطاهم حضن!!
المشكله ابصوت الشعب
روحي ابشعاره تنسحن!
هيهات بالذله هتف ,, والذله عاجنته عجن!!
ويرجع النفس المشكله وينتخب كل لص وعفن!
الوطن
أيس من شعب
اسنينه بالهم خَلصن,,
بس يحلم ابخبزه وستر,,متهمه مأسات الاجن!
ضل مختنك ما ينفجر,, من حطوا الديره ابسجن,
يسكت عله كل الظلم,, لو سمع بالحصه دهن!
غمه اليعيش ابذلته,,, وكل همه بس شبع البطن!

الوطن ضاج امن الشعب
ومن حقه لو ضاج الوطن

رايح يبيعه بأي سعر
بلكت يكف من المحن,
بالكت يكف من المحن
حسين االساعدي

[Haidar Iraq]

عمي كفيلك العباس ، اي واحد ايصير بالحكومه ماراح ايفيد الشعب ، لا وحق الحق ، وهسه راح اتصير انتخابات وتتشكل حكومه وشوف ابعينك ، اللي راح يجي نفس اللي سبقه ، ومايتغير شي ، واذا شفتوا تغيير ايصير ، اطلع كلب ابن كلب ، يجيك واحد ويگلك ( المُجَرَب لايُجَرَب ) هو اكو واحد ما انتخبناه ..؟؟؟!!!! خطيه الشعب ايظل بس ايجرب ، خررررب عمي ، وشي ثاني ، حته اذا الشعب انتخب انسان نزيه ، وروح الحسين مايسوي شي ، تعرف ليش ..؟؟؟ لأنهُ مايخلونه يشتغل ، كلهم حراميه ، وبهاي الحاله لو ايصير اوياهم ، لو يستقيل افظل ، لأن اذا يمشي عكسهم راح ينقتل ، بس الله كريم ، ماخسرانين خساره ، انظل انجرب ، لأن العمر بعده گدامنه طويل .. ياول قسمه ..
شكراً لك ع القصيده ..

[ارجع يازمان]

------
--
-

[ارجع يازمان]

عمي كفيلك العباس ، اي واحد ايصير بالحكومه ماراح ايفيد الشعب ، لا وحق الحق ، وهسه راح اتصير انتخابات وتتشكل حكومه وشوف ابعينك ، اللي راح يجي نفس اللي سبقه ، ومايتغير شي ، واذا شفتوا تغيير ايصير ، اطلع كلب ابن كلب ، يجيك واحد ويگلك ( المُجَرَب لايُجَرَب ) هو اكو واحد ما انتخبناه ..؟؟؟!!!! خطيه الشعب ايظل بس ايجرب ، خررررب عمي ، وشي ثاني ، حته اذا الشعب انتخب انسان نزيه ، وروح الحسين مايسوي شي ، تعرف ليش ..؟؟؟ لأنهُ مايخلونه يشتغل ، كلهم حراميه ، وبهاي الحاله لو ايصير اوياهم ، لو يستقيل افظل ، لأن اذا يمشي عكسهم راح ينقتل ، بس الله كريم ، ماخسرانين خساره ، انظل انجرب ، لأن العمر بعده گدامنه طويل .. ياول قسمه ..
شكراً لك ع القصيده ..

فعلا كلامك صحيح بواقعنا المؤلم!
دمت بخير مع اجمل تحياتي