هنا

[أبن ألأشتر]

لولا وجود الحواضن سواء للمخدرات او للارهابيين لما تمادى تجار المخدرات والحروب بالدخول لاي ارض العراق اصبحت ساحة مفتوحة لكل شيئ لأن حدوده مفتوحة وماكو اي عقاب ولا محاسبة للتجار الحكومة تتحمل جزء كبير من اللوم هكذا اعمال تدمر الشباب العراقي المفروض اي شخص يتاجر بالمخدرات يحكم عليه بالاعدام حتى يكون عبرة والاخرين يكون لديهم خوف .

كلامك معقول
لو الجهاز المنصب وطني لاشتغل بصورة صحيحة واقتصرت المخدرات على اهلها فقط
لايدخلها جديد .
هلا بك ابوحسين

[أبن ألأشتر]

تجارة المخدرات قضية عالمية .. لكن متى تجد مساحة للانتشار عندما يغيب القانون .. فقط

بمعنى الحكومة تصنع الخائن
فلاخونة عندنا بهذا المجال
ولكن ردت فعل من جراء تصرف كبار الدولة .
يامرحبة استاذ رماد

[أبن ألأشتر]

لنتفق ان تجارة المخدرات موجودة من عهد النظام السابق لكن ازدادت بعد السقوط
اضرب لك مثال رجل لديه عائلة مكونة من فتاة واخ وزوجة .والاب يمشي بخط مستقيم وربى اولاده على الاستقامة وبعد موته (القانون) انحرفت الفتاة فهل نلوم الام ام الفتاة ؟

مثال رائع لكن يحمل عدة اوجه .
ولكن لو الرجل يدعي انه مستقيم بالظاهر
والاولاد يعرفون حقيقته فلما يموت .
كيف يفكر اولاده وكيف يسيرون من بعده
هذا وجه والوجه الاخ .
كيف لرجل يدعي الاستقامة ولم يحتاط لمستقبل اولاده
وبالاخير يرميهم بحظن اب اخر فاسد .
وهناك وجوه عدة .
لمثلك الرائع
تحياتي

[Haidar Iraq]

إنَ الوضع المُترَدي في عراقنا العظيم .. يَتطلب في بعض الأحيان ان يُتاجر البَعض في تجارة المُخدرات ، وذلكَ من اجل كَسب المال ، بالإضافه الى مُساعدة اخوانهم في داخل البَلد على تَخطي الصعاب ، والخروج من الضيق والحزن الذي هُم فيه ، لأنهُ كما تَعلم اخي العزيز ، حينما يَتناول الشخص المُخدرات ، يَذهبُ الى عالمٌ آخر ، وفي هذه الحاله يَنسى الهموم والأحزان التي تُرافقه ، علماً بأنَ الأحزان والهموم التي يعيشُها ابناء البلد ، هيّ نَتيجة الحكومات المُتعاقبه على مَر السنين ، فلا ضَير ان يتناول الشخص المُخدرات او يأخذُ كأساً من النبيذ ، من اجل ( يعدل ماضغه ) ..
فديت الماضغ ..

[أبو ملاك]

احسنت ولربما نحتاج امثله على كلامك الصائب .
حياك

الأمثلة كثيرة صديقي ..
نرى أن أغلب المتعاطين من الطبقة المعدمة
خلي أبسطها أكثر ..
(الشخص أو الشاب المعدم العطال بطال يبدأ بالتعاطي وشويه شويه يبدي يبيع لجماعته وبعدي يبدي يوزع كيلوات وهكذا)
إذن حسب رأيي الوضع الاقتصادي أولاً ثم غياب القانون الرادع ثم التفكك الأسري والمشاكل العائلية ..

تحياتي لك حبيبي

[Suzana]

المشكلة انه احنا ماعدنا دولة وحدة حتى نذب الصوج بيها كل واحد بالحكومه هو دولة ،عدنا ٣٢٩ نائب بالبرلمان كل واحد بيهم هو دولة عندك اعضاء مجالس المحافظات هذول دولة وعلم يعني يوصل عدد الدول المسيطرة على العراق بالاضافة الى ايران وامريكا الف دولة ؟
عندك المنافذ الحدودية مسيطرة عليها دولة هاي لو واردها ينشمر بخزينة الدولة واستثمرت لمشاريع خدمية وسكنية جان هسه احنا ملوك
عندك الضرائب على السيارات واللي تبدي من ٧٥٠ الف وتنتهي بعشر ملايين هاي افلوسها المن تروح ؟
هاي عدا التهريب والقجق المنظم مالت السيارات عبر المنافذ الشمالية وادخال السيارات دون الموديل المسموح بيه او سرقتها من الوسط او الجنوب وتسجيلها برقم كردي هاي المن افلوسها تروح ؟لدولة من الدول طبعا
عندك واردات العتبات المقدسة؟ كول همزين بيها شوية مشاريع تخدم المواطن جان انباكت قبل لاتدخل خزينة الدولة وهي اصلا ماكو خزينة مافيات ومسيطرة ع الوضعية ..
زين وعايشين ونتنفس رغم كل اللي جاي نشوفه
الدولة ضعيفه من اعلى واحد الى اصغر موظف حكومي واللي شفنا مثال عليه رجل المرور اول امس خال ايده بجيبه ويترقب الوضع بالخضراء..

[أبن ألأشتر]

إنَ الوضع المُترَدي في عراقنا العظيم .. يَتطلب في بعض الأحيان ان يُتاجر البَعض في تجارة المُخدرات ، وذلكَ من اجل كَسب المال ، بالإضافه الى مُساعدة اخوانهم في داخل البَلد على تَخطي الصعاب ، والخروج من الضيق والحزن الذي هُم فيه ، لأنهُ كما تَعلم اخي العزيز ، حينما يَتناول الشخص المُخدرات ، يَذهبُ الى عالمٌ آخر ، وفي هذه الحاله يَنسى الهموم والأحزان التي تُرافقه ، علماً بأنَ الأحزان والهموم التي يعيشُها ابناء البلد ، هيّ نَتيجة الحكومات المُتعاقبه على مَر السنين ، فلا ضَير ان يتناول الشخص المُخدرات او يأخذُ كأساً من النبيذ ، من اجل ( يعدل ماضغه ) ..
فديت الماضغ ..

اعتقد هذا جوهر الموضوع
لكن الكلام لايخص المتعاطين اكثر ما يخص المهربجية .
المتعاطي اما نزوة وتكمّش بيه واما عادة اعاد عليها
من خلال الحكومات المتعاقبة مثل ماتفضلت
حياك ابوكرا وصلت للغميج

[أبن ألأشتر]

المشكلة انه احنا ماعدنا دولة وحدة حتى نذب الصوج بيها كل واحد بالحكومه هو دولة ،عدنا ٣٢٩ نائب بالبرلمان كل واحد بيهم هو دولة عندك اعضاء مجالس المحافظات هذول دولة وعلم يعني يوصل عدد الدول المسيطرة على العراق بالاضافة الى ايران وامريكا الف دولة ؟
عندك المنافذ الحدودية مسيطرة عليها دولة هاي لو واردها ينشمر بخزينة الدولة واستثمرت لمشاريع خدمية وسكنية جان هسه احنا ملوك
عندك الضرائب على السيارات واللي تبدي من ٧٥٠ الف وتنتهي بعشر ملايين هاي افلوسها المن تروح ؟
هاي عدا التهريب والقجق المنظم مالت السيارات عبر المنافذ الشمالية وادخال السيارات دون الموديل المسموح بيه او سرقتها من الوسط او الجنوب وتسجيلها برقم كردي هاي المن افلوسها تروح ؟لدولة من الدول طبعا
عندك واردات العتبات المقدسة؟ كول همزين بيها شوية مشاريع تخدم المواطن جان انباكت قبل لاتدخل خزينة الدولة وهي اصلا ماكو خزينة مافيات ومسيطرة ع الوضعية ..
زين وعايشين ونتنفس رغم كل اللي جاي نشوفه
الدولة ضعيفه من اعلى واحد الى اصغر موظف حكومي واللي شفنا مثال عليه رجل المرور اول امس خال ايده بجيبه ويترقب الوضع بالخضراء..

بس اكيد اللوم الاكثر يقع على مسؤولي الاستخبارات والرئاسات الثلاث
............
هاي طركاعة ولفت العراق هاكثر حكومات ونطالب بحكومة اخرى .
بس انريدها حكومة ها .

[أبن ألأشتر]

ردودكم كلها شافية وصحيحة
يعني متفقين بشكل واخر بان النظام من يصنع الخونة والمخالفين والتناحر الطائفي
وحتى الفساد بين العائلة الواحده .

[Haidar Iraq]

زين وعايشين ونتنفس رغم كل اللي جاي نشوفه