علي شتعود لله وليش يهواك
علي ولاجن بشر واعظامك اتراب
اذا تغتاض مره الجنة تغتاض
وتزعل رحمة الله وتغلك الباب
علي عشكك صلاتك شاهد الليل
وعلى اوسادة منامك باني محراب
وتتنسه ابسجودك ياعلي الكاع
تخسف كل فرض ماتحمل اغياب
علي ياباب اجيلك منه والكاك
ماكو وحتى اكولن ضل علي غاب
اذا مره اختنك وابنيتي انخاك
ادير الكاك نسمه اوي الهوه الهاب
علي ياريحة الله التارسة الكون
يشموها اليتامه ابطاري الاثياب
علي ناعم كلب واجفوفه خشنات
علي قائد جيوش وهو حطاب
علي خاض الحروب وماخشى الجيش
واذا سائل يجيه ايخافه وايهاب
علي امكشف الوجه نص الميادين
ويم عين الجياع امنكب انكاب
علي رمز الخبز للجان جوعان
امن ايده الخبزه تطلع لابسه احجاب
هاكبرك علي وكت الوزة اتصير
وهالزغرك صرت من جاك جهاب
علي كل هالوصف وانكلك انسان
ابغيرك هم سمعنة وكثرة الالقاب
فرق بين الملك وابنادم اهواي
وانت اول ملك يتكنة ابوتراب
علي صاحب صدك وي عشرة السيف
بس يشر عليه ايعوف الكراب
وتنيشن عينه بيهم لو نحر كوم
ذوالفقار خبرة ابحز الاركاب
منقول
رد مع اقتباس
.
