هنا

[محمد علي الشويلي]

مدري منين اجونه وفرگو هلدين ؟
ياهو الچان يعرف طائفة جاره

عشنه خوان والله وايد تشبگ ايد
ولو يوگع طفل تحزنله الحاره

ولو يوگع عمر يركض حسن وياه
ونلتم بلعصر ونروحله لداره

ولو يعثر علي يركض عليه عثمان
يگله اسم الله وينكت غباره

ولو واحد تمرض بينه ذاك اليوم !
نگضي الليل يمه وكلنه سهاره

ماضنينه مره بهل وكت يندار
وتجينه وجوه صفره وكلها غداره

مابيهم رحم غايتهم يدمرون
بيتي الي بنيته حجاره بحجاره

مابيهم رحم غايتهم يفرقون
بين الاخ واخوه وصاحبه وجاره

غايتهم طوائف رادو ايسوون
واخوي البلرمادي ينسه العماره

ويحرمونه زيارة جدنه داحي الباب
وابو الحسنين ذاك البلنجف داره

زرعو بلدرب عبوات سيارات
فجرناها علينه ورحنه زواره

[باقر الموسى]

قصيدة رائعه جدا عاشت الانامل
جسدت معنى الوحدة الوطنية بكل تفاصيلها
فعلا هكذا نحن العراقيين
لا تهمنا الاحاديث والاقاويل

[هدوء الكون]

تسلم اخي قصيدة اكثر من راائعة

شكراا لك نحن عراق واحد والي جاي يصير كلها من الحاقدين والغيورين من هذا البلد
الي يردون يطمسون وحده هذا الشعب الجريح ويمكرون ويمكرالله بهم والله خير الماكرين

[ذُوألـفَقـار]

قصيده رائعه عاشت الايادي

[علي الازيرجاوي]

رؤؤؤؤعه يا غالي منور القسم

[علی]

تسسسسسسسسلم محمد علی بارک الله بیک