ابوذيات روعة
انثنت ريلي انهطرت وصاح ويعت
ابويه. وصوته جرني جـرور ويعت
ابهيمه وخاني ريـج العطش ويعت
اشتهيت لشوفتك مو يوع بيه
بطرك جرحي وانت رغاب للماي
بضحكتكَ بـان سـن العقل للماي
چنت ماي وصـرتلك جرف للماي
چتف بس ماردت تنتجي عليه
اشـعـلامكَ واگـطـعـت بيــه يلني
حنـين يـــول جلـمـاتـك يلني
استحي من جلمة اشلونك يلوني
حچه للــوادم اشمضموم بيه
أشلعت مني و أبد مافاد شلعاك
ورجعت تلوع ليش تلوع شلعاك
ينابت بالگلب مــو سهـل شلعاك
من أشلعك ينشلع گلبي بديه
بعد ما واصل احجاري ليامك
عفتني وجابـتـك عـلـه ليامك
وعلي من يوم حبيتك ليومك
خبل والچول مسكن صار اليه
مشيت اوشـوف مـابـاگي لياره
الخـذوك اولا نفس طاوع لياره
داريـتـــك مـثــل حــيـدر لياره
اليتيم اوشح رغيفي اوخنت بيه
شكثر طعنو گفاي وگلت مو عن
قصـد يـا بـاردات الگلب موعين
صُفت ناگوط حب بالليل موعين
صاحب صاحب تنگّط عليّه
رد مع اقتباس
