هنا

[كأس سقراط]

اشكثر مشتاك للغربة .. انه المليت طبع اهلي

[علي الواسطي]

صار اهواي مطشرين
خل نلتم ..
واجیک بواهس مهندم
واحضرلک حچی بروحي
حچی المشتاگ ما یلم.....

[CaSpEr]

صرت مثل الگمر من تخلص ايامه
يوميه انثلم
وثلمه جن جامه

ياعذر اليوالم يرهم الفرگاك
وجه اسود الفرگه
وانتم الشامه

انه الواصل سهمكم حتى لعظامه

[CaSpEr]

مشيت انته وبديت أشتاگ

أول يوم:

ماخذني الزهو وفرحان
ما مشتاقلك ، ما أجيت يم بابك
بعدها بروحي تلعب ريحة ثيابك

[CaSpEr]

ثالث يوم :

متأخر اجاني النوم
أحس بنقص ما موجود
كامل كلشي بس ناقص!

[CaSpEr]

مر اسبوع :

أحس النقص بالالوان
(ناقص لون ما أعرفه)
صفنت بصورتك واحترت الغرفة

[CaSpEr]

شهر عدة :

صار النوم مو شردة
أشوف عيونك بكل صفنة تتبدة
وضاع العد
وضاع من المحنة شكد
نهر مر الربيع وچان وجهك سد!

[بريق الماس]

ضاگت الدنيا واجيتك طير
متوازي اعلى عِش

ايهاب عيال الظالمي

[مـصطفى]

رجعت مدنگ بكل درب بيه ماشين
بلكت حلم ضاع هنا،،،
ومثل ثلاجة الموتى أدوره وما أريد الگاه..!!

باهر الجنديل

[تشيللو]

أحبك .... ماي
من تخجل . !
تطك الشامة ورد أحمر ٫ !
أحبك ٫ ماي
تزلك مايلمك ثوب ... !
تصعد بالشجر ٫ بالغيم ٫
وتنزل بالرمل دفتر !
تعال أسكيني من خمرك ٫ واطك عنبر !
تعال ونام بعيوني ...
انه الذاكرة التفحطلك وتسهر !
وصب حزنك نده بكاسي ... ...
حزنك بالسنين أسمر ٫
حزنك بالنبض أسمر