ماتت ضحكة ايامي
وچفن حسرات لف روحي ولياليها
كاظم اسماعيل
ماتت ضحكة ايامي
وچفن حسرات لف روحي ولياليها
كاظم اسماعيل
تانيتك عمر يمك ردت ارتاح ..
لكيتك واحه ميته ترابتك تذري ..
تانيتك تجبره لخاطري المكسور ..
جبرته بدمع بس ماجبر كَسري ..
ليش تغيظني وأحچي الحچي المضموم ..
وتگول الناس عني امسودن ايهذري ..
اذا تدري بعذابي وتدري اللي صار ..
لا تسأل عليه اشباقي من صَبري ..
خلصت العمر مابين چويه وآه ..
ومگالب ابروحي وناركم حَدري ..
سَتَوني الحزن مو كافي طفي النار ..
تبخَر ماي صبري ونزرف جدري ..
يالرايد حچينه ايظل جَزَر للدوم ..
وانته المَد يفيدك ينمحي المقري ..
لأن انته جرف وانه عليك الماي ..
اطلع اعيوب جرفك لو كثر جَزري ..
حاصرني الوكت وجروحي مسمومات ..
لا انته ارحمتني ولا رحَم دَهري ..
تَحَزَم جَرح بيه وراد ياخذ ثار ..
التفت شاف الخناجر تطعن ابظهري ..
انه اول بنادم كلبه ما يبرد
انه المبيوع سد بسد
انه الخلص حياته يكول چا وحد
واتعودت ع الصبر
مرات افوت بدرب بي وحدي والزم سره
- سيف الحلفي
يا غريب يطش ضحكتج لو ثخن حزن المدينة
وليش أحبك يا كتاب إسمه السعادة
وبداخلة قصة حزينة
انه وي كل غبشة احبك من جديد.