عجيب امرك وشنو اليرضيك
يومية طبع ماباقي عالطبعك
يجي يوم كل الحنان يجيك
ويجي يوم طيشك يمنعك
تتغير علي احتاريت بيك
محد غيري صدكني يجرعك
احبك وافرح من احاجيك
تزعلني واسكت ودوم اسمعك
مازعلك لو تطلب روحي انطيك
من حبي وحناني دوم اشبعك
ماباقي وكت تعال اشبيك
كافي بعد شوكك مايرجعك
تعال بروحي انه اخليك
ريت الوكت بيه يجمعك
راضي بحكمك وراضي بيك
شعبك اني وراضي بقمعك
كلي ملكك ومابين اديك
واكثر بعد ماريد اطمعك
الـ گبل اتمنى طيفه يزورني يبات ،
واسولفله اعله عمري وع الخسارات
الـ چنت ما اندم اعله الثانية وياه ..
هظيمه يصير من ضمن الحرامات !
ركض بية إلـ عمر ركضة مجانين
وجاب إلـ شيب گوة وحطة بـ إلراس
كاظم إسماعيل الكاطع
چي شفتهم كلمن ومحبوبه يمه ،
أشتهيتك تحضر بسالفتي يمهم .
لاتحلم
الدنيا ازغر من عيونك
مصطفى الخزاعي
ياريت الزمن يفحط ولايمشي
ويرد ردود لايام العشگ والشوگ والميعاد
كاظم اسماعيل الكاطع
حسبالي الوجوه الحلوه متچذب
وحسبالي اليحب الناس يلكه الناس هم تحب
انه منو ؟
اني ابو الوگفاات الردوهن علي سچینه سچینه
الشوگ والخنگة والغصة والضيق والندم
اني وگلبي الي بگد القبضة
وين نروح وي كل هالثگل ؟
والرسايل ..
والحچي المعزول،
والـ ما يوم اعوفك،
والبچي، ودگات گلبك
والـ ما انام الا انتَ تغفى !
ورجفتك؟
دمعتك ؟
خوفك؟
ذني چذبة!!؟
