لو دورة مخصوصة تصير للحلوات
جا شاركت بيج بدورة الحلوين
اسويها تحدي لكل الحديثات
لا احماء اسوي ولا ادك تمرين
اتحدى الفرق كلها برموشج هاي
من سوك القسم ولشارع الستين
مانزل خدودج حتى اسجل كول
انزل تك رمش ويحطها بالتسعين
العبي براحتج وشلون متلعبين
بالراحة العبي هواي بالراحة
كدامج فريق من الوسط مهزوز
واشباهة ضعيفة وميت جناحة
يامجنون هذا اليطب دورة وياج
هي الناشفة تنافس التفاحة ؟
خلوني حكم واللعبة صدفة وياج
والحلوات رمشج نزلن كباله
كلبي شماهجوم يصير وتهجمين
يركض ع الهدف وياج بخبالة
اسمع بس كلام ايصيّح الجمهور
منحاز الحكم .. وترن البطالة
اثاريني الج كلساع اصفر كوول
حتى الاوتات حاسبهن كوالة
للمرحوم الشاعر عزيز شامخ
رد مع اقتباس
.
المشاركة الأصلية كتبت بواسطة Aya'
