أحبائي الدرر.. واحد من اقاربي راح لبنان وصارت وياه مشكلة ويه ناس ماعندهم ذمة، لفّقوله تهمه باطلة وصارله أشهر بالسجن وهو بريء... يكدر احدكم يساعده؟
لو واحد عنده ناس بالخارجية، يحاول يتصل بيهم ويخلّي السفارة العراقية بلبنان تدخّل وتدافع عن مواطن عراقي مسجون ظلماً وعدواناً وبدون أي محاكمة.
سلام عليكم دكتورنا الغالي..
بإمكان احد أقاربة توكيل محامي اما من داخل العراق أو من لبنان... وان يراجع السفارة العراقية ومن خلالها يسوي وكالة للمحامي بمراجعة السلطات اللبنانية.. السفارة تكلم السلطات اللبنانية لتسمح لهم بأن يوكل احد المحامين... وبعد ان يوكله يزوره بالسجن إذا التهمة تسمح بأن يخرج من التوقيف مكفلا... فيقوم بإخراجه من التوقيف ويدرس حالته ويطلب من خلال دعوى قضائية... بالإفراج عنه... وإسقاط التهم المسندة إليه... ان كانت باطلة ولاتنهض إلى دليل كما ذكرت...
إذن الخطوة الأولى من خلال السفارة.. يراجع السلطات اللبنانية.. هذا المحامي ويطلب التوكل عنه... والأفضل محامي لبناني حتى تقل النفقات... مع التقدير...
هو عنده محامي، مشه شويه بالشغل وبعدين يريد فلوس، والمسكين ماعنده ينطيه.
لعد لابد من أن تدفع أتعاب المحاماة... لايوجد محامي يشتغل ببلاش... بقت فقط منظمات حقوق الإنسان ممكن طرق بابها.. كالصليب الأحمر.. أو هيومن رايتس.. للتدخل... أو حضرتك من خلال علاقاتك كسفير سلام.. ممكن تسويلك زيارة للجمهورية اللبنانية..لمراجعة سفارتنا.. أو من خلال أحد معارفك.. إذا حالتك الصحية ماتسمح لك بالسفر.. وإذا حصلتلك عنوان موقع وزارة الخارجية أو السفارة.. أو أحد المعارف سارسله لك خاص... الله يفك كربته وتوقيفه. .. تحياتي..المشاركة الأصلية كتبت بواسطة دكتور جميل
هذا بالفعل سويته ومن خلال علاقاتي كدرت ادزله محامية راح تلتقي بمحاميه وينسقون الشغل سوه.
الحمد لله والشكر دكتور.. لأنك بدأت اول خطوة بالاتجاه الصحيح لإنقاذ هذا المسكين.... تحياتي لك...
رد مع اقتباس