سنة أولى مطبخ
1- عايزة الملوخية مربوطة ضعى ذرة سكر فيها وحطى فصين توم مدقوقين نيين غير التقلية ومعاهم كزبرة ناشفة غير اللى فى التقلية.
2- عايزة السمك والجمبرى المقلى متقرمش ومتماسك بعد الدقيق قبل التحمير هاتى طبق فيه مية وغطسيه فى الميه واحدة واحدة بسرعة وحطيه على النار ولا تقلقى لأن الميه بتلزق فى الدقيق وتثبته .
3- الكرنب عشان يبقى اطعم ضعى عليه شوربة اللى هتتشربه وضعى ثوم مدقوق وكمون ومعلقتين صلصة .
4- البامية عشان تبقى احلى حطى التوم على مرحلتين مرحلة مع تشويح البصل والمرحلة التانية مع الطماطم المعصورة وخليها كلها بالطماطم بلاش صلصة صناعية حتبقى احلى .
5- سلطة الكول سلو او الكرنب حطى مع المايونيز زبادى وسكر طعهمها هيبقى زى المطاعم بس سبيها فى التلاجة الأول كام ساعة فى الخليط .
6- البهارات الصحيحة قبل ما تطحنيها شوحيها ع النار طعمها هيبان اكتر .
7- البيتزا حطى على اطرافها زبدة وتوم بودرة متسيحين فى المايكرويف كلهم هياكلو الأطراف مش هيسيبوها بس إحشيها بجبنة .
8- الثومية حطى نشا مذاب فى ميه على النار لما تبقى مهلبية سيبيه يبرد وإضربيه مع فصين توم وخل وبعدين زيت طعمها افضل .
9- لا تضعى ليمون خالص بقشره على صوانى السمك او الجمبرى او فى الشوربة وهى على النار الطعم لأن هيبقى طعمه مر ولكن أضفيه بعد ما يستوى والمقصود القشر فقط .
10- الكبدة الاسكندرانى حطى عليها طحينة قليلة قبل التسوية .
رد مع اقتباس
المشاركة الأصلية كتبت بواسطة رحيق العطر
