في الكون قمر واحد
وانا املك قمران
في الكون قمر واحد
وانا املك قمران
اسكن وسط مدينه خالده
تطوقها دعاء امي
وشيبات والدي
لو كان التمني مستجاب
لتمنيت ان تدار صحتي بصحه امي
لو ماحرم الله السجود لغيره
لما استقمت عن السجود لوالداي
في الحياة غايات
وغايتي رضائهم
في الدنيا انا باسم ابي
وفي الاخره باسم امي
اي رحمه تكون بعد ذلك
ابوي اشكد حنون ايفيض وجدان وابوي اصحابه تتباها ابصفاتــــه
كريم ايجود حتى ابلگمة اعشاه وقف للناس ناذر كل حياتــــــــــه
اذا يسمع طفل فد يوم جوعان توگف لگمته ابطارف لهاتـــــــه
من يوگف يصلي اتفيضه الدموع اوتصير ادموعه سجادة صلاتـه
يشماغه بخت وعگاله شارات صر اهموم ربعه ابسد عباتــــــه
شريعه تشع امل وشراع بالريح لجل الناس ناكر دوم ذاتـــــــــه
وابوي الغيره عنده اجروف نهران منها اصحابه تغرف والشماتـــــه
وابوي اشيگصي وكته ايگوم تفاگ يتوچه اعلى جرحه ابكل رهاته
سمح يلگه العذر لليخطي وياه عفه اوحلمه چرچوبة سماتــــه
ماسد باب جوده ابشحة الجود عنوان الكرم كل ذكرياتــــــه كل شبه
ابمظيفه اعدال ديوان غاص امن الزلم حتى ابمماته وابوي الخير بيده
اشيكرم ايزود مثل حري العراق اومي فراته
- انا يا بوي من ونيت مالوم . نزل مني دمع يعمي النواظر
خدودي متعوده تتندى كل يوم . وتحب الماي خشبات الكَناطر
لمت الروح بس شفادني اللوم . شلحك وبسفينة الموت عابر
المنايا عالسطح وعيونها تحوم . عليك ونزلتلك نسر كاسر
ستر الله نغط بديارنا البوم . اخذ عين الكَلاده وراح طاير
ديني حلاتك حلو الرسوم . بلكي انعشك دنيانا مظاهر
اظل كاظم وصبري وياي مكظوم . لوما هالخشب جوه الاظافر
اهن كاسين بهن كاس مسموم . خاف اغلط وبالمسموم اكاسر
بعنه البيت ريت البيت مهجوم . وريت اكثر بعد من هالخساير
تحب انت اللعب والكبر ملموم . شلون تحملت وشلون صابر
وليش من الهوى يابوي محروم . ونسمات الهوى تطيب الخاطر
من هو الشوفك صورة المعدوم . وليش تعلكَت ياشاب يا قاصر
ما ظنيت زرعي يروح فد يوم . وعصافير الحزن تكضي البيادر
من اكتب قصيده تزيد الغيوم . ومن عيني الدمع يملي الدفاتر.
رد مع اقتباس