هنا

[ارجع يازمان]

دارميات من عيني طاحوا ناس,,
,,,
من عيني طاحوا ناس جانوا عزيزين
عالشحمه يتكمزون مثل البزازين!!!
حسين االساعدي

,

من عيني طاحوا ناس جنت انه احبهم
لكن غزاني الشيب كله ابسببهم!!
االساعدي
,

من عيني طاحوا ناس جانوا اليه
شو من لفاني العوز صاروا عليه!
االساعدي
,

من عيني طاحوا ناس صحبتهم اطماع
ياوسفه بيهم هيج كل التعب ضاع!!
االساعدي
,

من عيني طاحوا ناس ماتسوه تقدير
جبتلهم انه الماي ذبوني بالبير!
االساعدي
,

من عيني طاحت ناس ما تسوه العتاب!
ضليت أشطف الباب لو دكوا الباب!
االساعدي
,

من عيني طاحوا ناس بس الله يدري
الهم طوال الليل ضل دمعي يجري!!
االساعدي
,
من عيني طاحت ناس بيها انه مغشوش
خانوا ملح بالزاد خليته مرشوش!!
االساعدي
,

من عيني طاحوا ناس فشله احجي عنهم!!
جم دكه للشيطان ماخذها منهم!!
االساعدي
,

من عيني طاحوا ناس طلعوا سرابيت!
امن الميت ايبوكون حتى التوابيت!!
االساعدي
,

من عيني طاحوا ناس حاسبهم احباب!
شو كاموا ايبدون ,, فوكانه الاجناب!!
االساعدي
,
من عيني طاحو ناس ذيج المسيه
خلوني طبلة ليل عد كاوليه!
االساعدي
,

من عيني طاحوا ناس من امداهم
رايح سبع حصوات اشمر وراهم,,,
االساعدي
,

من عيني طاحوا ناس جنهم ذيابه
يتقصدون ابضيم كلبي وعذابه!
االساعدي
,
من عيني طاحوا ناس جانوا مساكين
شو كضوا الدولار طلعوا شياطين!!
االساعدي
,
من عيني طاحوا ناس حاسبهم اضلوع!!
ما اعرف ايخونون من اول اسبوع!
الساعدي
,
من عيني طاحوا ناس بس ما ابالي
لكن حسافه ادموع سهر الليالي!!
االساعدي
,
من عيني طاحو ناس وبلا حسافه
كلهم وسخ والعين تهوه النظافه!!
االساعدي
,
من عيني طاحوا ناس _ طيحتهم احسن
مايملكون احساس _ ضلتهم المن!!
االساعدي
,

من عيني طاحوا ناس طلعوا بلاوي
بس عالدسم يمشون مثل العتاوي! ههههه
االساعدي
,
من عيني طاحوا ناس حاسبهم اعزاز
ماكاموا ايمرون! عرفوني معتاز!
االساعدي
,

من عيني طاحت ناس ماتسوه فلسين
دوم الرخيص ايطيح ما يبقه باالعين!!
حسين االساعدي

[صادق الساعدي]

احسنت ابم عمي وصح لسانك

[خالدالسعد]

جميل

[ارجع يازمان]

احسنت ابن عمي وصح لسانك

مرورك اجمل دمت بخير

[صادق الساعدي]

مرورك اجمل دمت بخير

ربي يديمك ويحفظك