هنا

[بلاسِمُ الأدب]

بعيني لهسه حرك الخيام
وگدامي اشوفن تركض ايتام
جا يمته تغمض عيني وتنام وارتاح
***************************
حييرت الفاكد اخوته _ بس صده يرد اعله صوته
روحه تنسل من هظمهه_ يتاني ساعه ساعه موته
بعيني نار اخيامي ضلت _ لمن الرجليه ووصلت
خيامي طاحن خيمه خيمه _ كبال عيني وروحي طلعت

جم مره ميته وارجع اعدل
من صعدتتي واركظ عله التل
لومن شفت بعيوني مقتل _وارماح
*************************
هذا اخر يوم احسه _ بده يبرد جسمي هسه
عيني عالباب اعله اخوتي_ وتوكع الدمعات خرسه
اعصر بجيفيني حسره _ ودعتهم گطره گطره
الهسه عطشت ماي بيه _ مارواني الماي مره

براسي صهيل الخيل اسمعه
واتذكر النسوان تنعه
وحسيني من كسروله ضلعه _ ومن صاح
*************************
عطشة الغركان شهگه _ وراحة المشتاگ ملكه
وانه طگ گلبي اعله اخوتي _ وبيه ماظل حيل فرگه
السبي اخرني عنهم _ جان ميته وهسه يمهم
حتى من ماتو اخوتي _ ماكدرت احضر دفنهم

يأذيني دمعي بغربه لوسال
وكل دمعه كلمه تطيح تنگال
بيامتن نعش الحره ينشال _ لوطاح
*************************
سلهمت عيني دقيقه _ لن شفت مشهد حقيقه
جسد شفته بلايه راسه _ ودم اذا امشي بطريقه
ركزت بيه وعرفته _ واحد امن اخواني شفته
رحت يمه وردت اشبكه _ وحضرت ايدي الشبگته

اشلون اشبگه وهوه بس روح
فزيت بس دلالي مجروح
وحسين اصيح وصوتي مبحوح _ وانياح
*************************
مثل شمعه ونار بيهه _ روحي خلصت من بجيهه
حتى بالموته وحيده _ ولاسند يلزم اديهه
الهسه طبع الصوط بيه _ واثر نار مجويه اديه
لاتلجموني ابجرووحي _ من تغسلوني الوصيه

بمتوني اثر للصوط نيشان
ومن الركض كل جسمي نحلان
كل همي لو دفنوني خوان _ ينزاح
*************************
الشاعر حسين النجفي



أحمد حسين محمد علي

[بلاسِمُ الأدب]

قصيدة (سر دمعتي)
علم ما عندي بأسباب الخذت روحي على بابك
ومنو الي شد الك كلبي جمالك لو مصابك
ورسم دمع عيني لظعن شايل عذابك
الدمعة الاولة الي ترسم مسيره
تهل مثلها دمعته الاخيرة
لا جذب لا صدك .. يغلي بهل العشك ..
ويخفي دمعت عذاب الذبيح بغرب
من وكع صارمه وحركو مخيمه
بجه حتى الحجر وانولد بي كلب
بجيتك وكلشي بده .. وغرامك بكلبي حده
علامه اليهوى دمع .. على اسمك يصب وحده
حسين واحسين حسين واحسين حسين واحسين
____
بلا موعد تلاكينه انه وساعي دمعتي
رحمتك ليه جابتها وبدت منها خدمتي
وصرت ماكدر بدونك اعيش ويكضي وكتي
وسر دمعتي خبر عنها يحجي
يخلق الله له شيعة تبجي
يخلق الله خدم تحترك للخيم
ياحسين وكلام النبي لفاطمة
يعني لام الحسن اليبجي وبحسرة ون
جي علي التعزية ام الحسن قائمة
بديها دمعة التنمسح .. من وجنة اليبجي بجرح
لمصابك وكلبه انكسر .. من يسمع بنحر ورمح
حسين واحسين حسين واحسين حسين واحسين
____
يمرني ها جس الموت وامر حالة ندامه
على ايام الي جافيتك وقصوري ويه الخدانه
اموت وانه ماشابع بجي لجرحه وخيامه
بها الشعور واجد بقراري
ليلي اخلصه بدمعتي ونهاري
ياخساره العمر ماشي صوب الكبر
واني خلصته عمري جفاء بندم
سيدي تندمت عن حياتي العشت
بكل نفس مرني بي مابجيت الخيم
الك ردته نذر .. لمشيبي وبروحي جمر
اموتن وجفني يصب .. وخيالك بذهني يمر
حسين واحسين حسين واحسين حسين واحسين
____
أضيع وابجي وارجعلك تدليني دمعتي
لان تغسل شكو بروحي وترد تحيا فطرتي
يبو السجاد انه بدربك شفت غاية خلقتي
وكل عزه ام البنين ارتجيها
تخلي عيني تفيض ببجيها
تخلي عيني تصب وابجي الك من كلب
رق الك سيدي وانجوت مهجته
عاللي صحت ولد وفطمته من المهد
ودم لكت مو عطر فايح بركبته
ويجرني للحيره عجب .. الرحمته مالها سبب
عطاشه ليش اهله بقو .. وعدو بخياهه نهب
حسين واحسين حسين واحسين حسين واحسين
___

#اداء ملا محمد باقر الخاقاني
#كلمات الشاعر السيد انور الموسوي

[خالدالسعد]

موفق عزيزي بس لو كل قصيدة منزاه بموضوع مستقل احسن

[بلاسِمُ الأدب]

الله يحفظكم
شنو قصدكم العفو
ما عرفت شنو المنظور؟
شكرا

[الأهوازيہ❤]

سلام الله ع مولاتی زینب ام المصائب