( مولاي ياصاحب الزمان )
ياساهر الليل اشوكت ... ترف اعله متنك رايه
ماريد اتعبك بالعتب ... لكن تعبنه اهوايه...
~~~~~~~~~~~~~~
ماريد اجرحك بالعتب ... بس العتب للغالي
يالأغله من جرة النفس ... ومن الأهل وعيالي
تعّبني بُعدك سيدي ... يالأدره منّي بحالي
ماينجلي ليل الهظم ... بس طلعتك جلّايه
~~~~~~~~~~~~~~
ماينجلي غيم الحزن ... الا امن اشوف عيونك
أمنيتي اشوفك سيدي ... والرايه فوگ متونك
يبن الحسن يمته الفرج ... واتفرح اليحبّونك
ذلّة الحياة بغيبتك ... وكلمن بشوره ورايه
~~~~~~~~~~~~~~
قلّه اليشورونك تره ... وكثره اليشور بكيفه
وكثره الترك دينه ومشه ... وقلّه العرف تكليفه
يالمهدي سرجون العصر ... طلّع بدينك حيفه
چايمته تگطع دابره ... وبوكره تندگ ثايه
~~~~~~~~~~~~~~
عدك ضلع عدك نحر ... چا يمته ثارك يومه
وعدك غريبه بنص غرب ... بشام العده مهظومه
وعدك حزن ماينگضي ... وأگبور الك مهدومه
يمته تفك باب الفرج ... ناظري وشّل مايه
~~~~~~~~~~~~~~
يمته تفك باب الفرج ... وليمته منسد بابه
يبن الحسن گلي اشعبن ... سيفك يعوف اگرابه
وثـارك امكتّر ياشـهم ... ليا ساعه ؟ ياطلاّبه
بياجمعه تظهر سيدي ... واتطل عله الوفايه
~~~~~~~~~~~~~~
بياجمعه گلي وننجمع ... من غيبتك ما كافي
چم يمته ياراعي الأمر ... مصلوبه فوگ اشفافي
منتظرك بركضة بِشِر ... اركض لجيتك حافي
فوگ الجمر حافي الجدم ... أوصل ألك مشايه
د.أبوعلي النجفي
أبوعلي النجفي و الخال الفاضل، حاج كريم ولي(أبوكرار)
رد مع اقتباس
