هنا

[بلاسِمُ الأدب]

شوط كربلائي
الى الإمام الحسين عليه السلام



دارو كلهم أعلى الصوت
كل ظنهم يسكتونه
الضحه بكلشي لجل الدين
فدوه كلنا لعيونه

*---------------------*---------------------*
شكثر صوته يخوفهم
صلب يمخوف الطاغين
وحده وبالحرب الحسين
مارف جفنه طرفة عين
يخافونه ويهابونه
يعرف درب الشهاده منين

يزلزل كل ركن ظالم
من آدم لحد آدم
ثبت هالنهج بالدم


*---------------------*--------------------*
حياني بدمه لمن طاح
يوم القدم عياله
هنياله اليوالي حسين
بيوم الحشر هنياله
اليوكف بالطفوف يشوف
دمعه وسهم ونباله

بالطف دارو اعله حسين
امه بلا شرف لادين
نكرت سيد الكونين

تركو شرعة القرآن
منهجهم يضيعونه
*_____________*____________*
لم أخرج أشر أبدا
خارج طالب الإصلاح
أعلنها وعلى صوته
دين المصطفى ماطاح
جلمة عدل ضد الجور
أطلقها بدمائه وصاح

من دمه روى القرآن
باع الغالي وماهان
صوت ابن النبي بركان

لا للذله لا هيهات
ماكدرو يهزمونه
*______________*____________*

مسلب جسمه وضلوعه
خيل العدا هشمتها
ضحايه إخوانه وأولاده
وجسوم أنصاره تبعتها
بخيامه استعرت النيران
ويدرون بقداستها

خيامك يا نبي الرحمه
مغنم للعدا وظلمه
عليها اجتمعت الأمه

صاحو بالخيم نيران
وحسينك يذبحونه
*--------------------*-----------------*
بالطف ظل وحيد حسين
ابن المصطفى مرهون
بين السله والذله
جانو موقفه يردون
وكف يوم الحرب ضرغام
رفض جور الذي يحكمون

ابد ماساوم أهل الذل
ثابت موقفه يرتل
بالطف موقفه يزلزل

زلزل طغمة الطاغين
من رادو يسكتونه

*_____________*_____________*
الشاعر أبوعلي النجفي

[خالدالسعد]

جزيت خيرا