ما يحتاج صك غفران
هذا الدم
قطار ابيض
حلم ابيض
كحل ابيض
شوط من الضحك والهم
دم ما دار
بعروكَ التخاف وتشرد وتنذم
دم جان اعل ريجه يبات
وكَبال الهوه مهندم
مقدس
نزفه شرعيته
ما يحتاج صك غفران
من افندي
لو من معمم
خشن
ومن الحرير انعم
دم مشكوله بي ذمه
بوكت بيهه الذمم شروه
وركَب ماتسوه تتذمم
دمّك هذا وانت أعلم
الركَبه التختل من السيف
تيبس بعد ما تنشم
الراس المارهم بس راس
من الذبح ما يسلم
مد سجّادتك مادام
مايبطل فريضه الدم
دمّك هذا مو أي دم..
هاشم الخزاعي
رد مع اقتباس
