هنا

[المستشار القانوني]

أكو شيخ عشيره معروف عنده نسيبه (مستشيخ) عنده كم فلس وربعه مكيفين على المواچيل ويصيحوله شيخ والمحفوظ وو ....
الشيخ الاصلي ضاج گال لمرته أخوچ گوه مسوي نفسه شيخ وجماعته مستغلينه ويبذخ عليهم !
گاللها اريد اسألج سؤال انتي أبوچ شيخ؟
گالت: لا ابوية مو شيخ.
گاللها: معناها أخوچ مو شيخ ! واني اريد أختبره !
گالتله: شلون؟
گاللها: روحي اسأليه شنو أثكل شيء بالدنيا؟
وشنو أخف شيء بالدنيا؟
راحت لأخوها وگالتله عندي سؤال الك من زوجي الشيخ و يگول عليك انت مو شيخ وإذا أنت صدگ شيخ تحله؟
گاللها: بسيطة شعندج اسألي
گالتله: اخته السؤال هو
شنو أخف شيء بالدنيا؟
وشنو أثكل شيء بالدنيا؟
صفن وردلها: أثكل شيء الحديد، وأخف شيء الريش !
گالتله: متأكد خويه؟ لاتفشلني گدام رجلي؟
واني احس مو هذا الحل !
گاللها: لا روحي كليله هو هذا الحل.
طلعت من يم أخوها وتلگاها أبنها عمره 10 سنوات گاللها: هااا يمه شعندج هنا؟
گالتله: يمه السالفه هيج وهيج
گاللها: لا يمه جواب اخوج غلط
والجواب الصحيح أثكل شيء بالدنيا
أطلابت الأغم والباطل
وأخف شيء أطلابت الخيّر
رجعت لزوجها الشيخ گالتله مثل ما گال أبنها !!
الشيخ تعجب گال لامو معقوله هذا مو حل أخوچ
أحچي الصدگ؟
گالت: لا والله أخوي يگول أثگل شيء الحديد، وأخف شيء الريش.
گال: والحل الصحيح منين جبتيه؟!
گالتله: من أبنك !
ضحك الشيخ وگاللها:
كون اليريد ايشيخ جد جده ثايه
موعنده كم دينار، وفصل عبايه
الشيخه ثايه وساس مبني على الاثكال...
مع احترامنا لشيوخنا الاصلاء..

[خالدالسعد]

قصة ذات عبرة فعلا ربات الشيوخ من اول حجاية يبين مو ياهو الاجا وكال انا شيخ
شكرا للجمال الذي في روحك

[دكتور جميل]

الظاهر اللي يحل حزورات يصير شيخ!

[المستشار القانوني]

قصة ذات عبرة فعلا ربات الشيوخ من اول حجاية يبين مو ياهو الاجا وكال انا شيخ
شكرا للجمال الذي في روحك

تسلم ابو ليث
كل عام وانت بالف الف خير وعافية وسرور وسعادة

[المستشار القانوني]

الظاهر اللي يحل حزورات يصير شيخ!

لا دكتورنا الغالي،.. هذا دليل الفطنة والفراسة.. وهي ملكة لدى الشخص القيادي الحقيقي في العشيرة (الحسجة)... تحياتي لعذب مرورك... وكل عام وانتم بألف خير..