جبتلكم طريقه حلوه فطاير بصمون فرنسي..
تحتاجون ..
صمون فرنسي..
صدر دجاج مثروم ثرم ناعم..
وبصل حبه وحده مثرومه هماتين ثرم ناعم..
وفلفل داره اخضر هم مثروم..
وجزر مبشور وفصين ثوم
وذره حسب الرغبه تكدرين متضيفي..
عليه قشطه گاله.. وجبن اي نوع ابو الكاسات..
ونكدر نبدله بمايونيز.. 3 معلقه..
جبن موزيلا.
نجي للبهارات ..
خاشوكه كوب كاري..
نص خاشوكه بابريكا..
فلفل اسود وملح رشه..
زنجبيل وحبه سوده
البهارات حسب الرغبة كل ام بيت الهه طريقه بالتبهير لذلك لا تتقيدي بشي..
نجي لطريقة التحضير..
نحمس البصل اولا.. ومن ثم نضيف المواد بالتدريج ونضيف البهار وننبقى نحرك الحشوه حتى لا تلچع.. نحمس المواد ونخلطهه بالقشطه وره متبرد..
نحفر الصمون بطريقه نفرغ اللب وتصير مدوره فارغه ونحشوهه وحده وحده..
ونضيف عالوجه الجبن السائل..
ونضيف هنا جبن موزيلا .. ونفرشه عالوجه..
قبلهه نكون داهنين الصينيه بشويات زيت..
نفتح فرن فوق بس حتى تتماسك المكونات ويذوب الجبن..
وهاي النتيجه النهائية .. والف عافيه..
رد مع اقتباس
المشاركة الأصلية كتبت بواسطة Suzana
فدوه لگلبج 
