اشلونهم؟ ..،
اشلونهم ... عظمة ابلهاتي!
اشلونهم
جمرة ابرحاتي
اشلونهم
نارة كبرة و تغرس ابخيط أمنياتي
و أمنياتي كلها لو تلتم، صورهم
ضاحکین وآنه واگف مستهم لا تخرب الضحکة ابوجههم
و ابچي لو منهم شخص لاع ابفلاتي
اتواضعت یا ما گدرت و ياما يا ما ... و وسفة همّه اتجاوزَو؛
و امن الخجل شحّت گصصهم و آنه عنهم بالنیابه ،
اخجل
و اسگي گصصهم من فراتي...!
ربّو اجدام الجسارة ابماي الاگصص
و استحي و ما احچي
و مدّوهن ابنص مستحاتي ...
كبّرتهم
كثّرتهم و يوم يوم احسب و أتاني للألف...
و اسگیتهم کل غالیاتی
و حسّبت جای آنه احاذر بیهم و بس لا عدو یسحگ عباتي
و عيني همّه!
یا سحگهم ... یا اذاهم ...
ایرخّصونی ، و ادري ما يسوون لكن
اشتریهم كومة اغلى من غلاتي!
اشلونهم
رسمو الموت ابدموعي و كاسرو كاس الأمان ابنايباتي
اشلونهم؟،
شيبة واحدهم سحگ هامَةت نجاتي
الگعدو ابگلبی استراحوا ، بس تجاعيد و الم للذکری خلّو لي
و، هم زين... راحو
بس بقو ثورة و تلچ واهس حیاتي
اشلونهم
تربات گلبي ؟
الما خذت منهم جزاتي!!!
و ما عفتهم
كلّة صوچي
اشلونهم؟
زينين والله ابصايتي
وعيني التصد اعليهم ابطارف وجودي
آنه احبهم...و احسب اجروحي الأنز منهم، عوافي
و راح إحاول احتراماً الهم، اتحمّل أكثر
و اسجم اوياهم خصالي
راح اغيّر نفسي و اصبح مثلهم
اي لئنّي
ارد اداریهم مثلهم
و اوگف ابکامل ثباتي
اشلونهم؟
شوفني و تعرف و لکن لا
تاني داغیّر صفاتي ...
د.أحمد حسين محمد علي(أبوعلي النجفي)
رد مع اقتباس
