هنا

[ريـــم]

مساء الخير ..صباح الخير دررنا

اليوم شفت موضوع والحقيقه شغل بالي وكلت اناقشكم بي بلكي نوكع عالعله مثل ميكولون ..
الموضوع هذا :

منقول ..
بخصوص حادثة وفاة الأطفال الثلاثة
هذا توضيح من احد الاخوة.. .

ذولي الأطفال ابوهم صديقي واني جنت بمحل الحادث وشلتهم بيدي للمركز
القصة كالتالي ابوهم يداوم بالدفاع وجان بوقتها بالدوام
الأطفال يم اجدادهم أهل امهم البارحة نازلين إبيت جديد وديرتبون بالاثاث الأطفال يلعبون بالباب
بساعة غفلة راحوا صعدوا بسيارة مال جوارينهم طابكه بقطعة فارغة تبعد عنهم خامس بيت بالفرع البصفهم السيارة متنقفل وحظهم السيارة من الداخل متنفتح بس باب السايق ختنكوا بداخل السيارة ومحد يدري بيهم أهلهم يدورون من ساعة ٢ الظهر لل٥ عبالهم انخطفوا

ابو الطفل خابروه اجه من الدوام بال٤ كال مرتين وصلت يم هاي القطعة باوعت فارغة بس سيارة طابكه ميعرف أطفاله بيها جوه لحد قبل المغرب بساعة ابو السيارة كال جنت نايم ولبست دشداشتي طلعت اشتري ركيه للفطور فتحت الباب انصدمت بيها أطفال ميتين طبعاً هذا الكلام تعزز بتصوير الكاميرا مال الجوارين ...
الأطفال ولد وبنيه أبناء صديقنه والطفل الثالث ابن نسيبه
حقيقة فاجعة الله يعينهم
وبنفس الوقت لازم يكون درس للجميع بمتابعة مستمرة للأطفال
الله يحفظ الجميع

ومرفقه ويا هالصور ..




طبعا عزائي لذوي الاطفال ومثل ماهم مكسورين اليوم اني هم كلبي مكسور
هسه تكولون كولنه شفنه هالمنشور شنو الجديد ؟؟
اني هسه اسالكم ..

مع احترامي للامهاات والنساء بصوره عامه .. اشوف الام تغيرت مو مثل امهاتنه قبل ..الام هالايام مهمله ، غير مباليه ، ما مهتمه لا ببيت ولا باطفال يعني شنو من تروح الام لاهلهه تساعدهم بنقلة بيت تهمل اطفالهه ؟ ثانيا شنو اطفال بالشارع !!!طفل عمره 3 و4 سنوات بالشارع شنو ؟ متكول تضربه سياره ..متكول ينخطف ..متكول يتعور ..اشوف بالشارع اطفال بدون نعالات تكرمون ووصخين وبالشارع الام وين ؟؟؟؟ هسه تكولون الله يساعدهه ملتهيه تطبخ وتنفخ وتنضف .. مو جانن امهاتنه تنضف وتطبخ وتشتغل وموظفات وببيوت عيال .. وما جانت عدهن اجهزه كهربائيه .. مو مثل هسه غسالات ومكنسات والزوالي عند اهل الغسل ..شلون ربونه اهلنه ؟ قبل الطفل ينام على قصه هسه الام مالهه خلك تبسطه وتنومه .. يحاجيهه رجلهه تصيح وتغلط ومعاجبك طلكني ..الرجال هنا يسكت لان هم تصير عشاير وهم تاخذ جهاله وراتبه بالنفقه وتروح مبتلي على عمره الاهل عليه والقانون عليه وميعرف شيسوي .. الام مقصره اولادهه بالضيم وهي لازمه تليفون وتقص سوالف هذا الكلام مو من عندي جايبته .،عايشته ومعاشره امهات وشايفه تعاملهم .. الام صارت ما بيهه محنه مثل قبل صارت مجرمه تقتل اطفالهه وتقتل زوجهه وكانو الله خلقهه من نار ..ادري شلون الجنه تحت اقدامهه وهي قاتله اطفالهه ؟!!! الام ليش تغيرت الام مدرسه يكولون اشو الام هسه حتى ما تدرس جهالهه وين الخلل برايكم ؟ الرجال الي ما حاكمهه .،لو الاهل الي منطينهه ضوه اخضر ومسترجله ببيتهه لو متخاف من الله ومستقويه بالقانون ؟ اني اريد اعرف لان الي دا اشوفه مينسكت عليه الامور دتصير اسوء يوم ورا يوم ..


المساحه الكم ...تحياتي

[علي الواسطي]

شكرا عالموضوع

صراحة الخبر مؤلم قريته البارحة ومنظر الاطفال يكسر القلب .
احيانا بسبب التعاطف مع الاطفال نلقي باللوم على الام بسبب الاهمال .
بعض العوائل عدها عادي طفل يطلع خارج البيت خصوصا الاماكن الريفية او الزراعية لأن ماكو سيارات تمر من يمهم ولذلك متعودين .
ماكو ام متحب اطفالها ولكن الاهتمام والخوف يجب ان تحسب الف حساب لتصرفاتهم وسوء الحظ اللي خلاهم يدخلون للسيارة وصدفة ان السيارة مامقفولة ولا تفتح الابواب من الداخل يعني شي يريد يصير .
رحمهم الله وساعد الله قلب اهلهم

[علي الواسطي]

اتفق معك بأن الاهمال ووسائل التسلية عالتلفزيون والموبايل اخذ الاهتمام واخذ من الوقت الكثير لا اقصد الكل ولكن الاغلب بحيث لا تبالي لأطفالها ومرة اتذكر احدى الاقارب تكول ابنها يبجي جوعان وهي تلعب بوبجي ومتكوم تسويله اكل . هاي كارثة مو بس اهمال

[ريـــم]

شكرا عالموضوع

صراحة الخبر مؤلم قريته البارحة ومنظر الاطفال يكسر القلب .
احيانا بسبب التعاطف مع الاطفال نلقي باللوم على الام بسبب الاهمال .
بعض العوائل عدها عادي طفل يطلع خارج البيت خصوصا الاماكن الريفية او الزراعية لأن ماكو سيارات تمر من يمهم ولذلك متعودين .
ماكو ام متحب اطفالها ولكن الاهتمام والخوف يجب ان تحسب الف حساب لتصرفاتهم وسوء الحظ اللي خلاهم يدخلون للسيارة وصدفة ان السيارة مامقفولة ولا تفتح الابواب من الداخل يعني شي يريد يصير .
رحمهم الله وساعد الله قلب اهلهم

بالعكس استاذ علي الاماكن الريفيه اكثر خطوره واحنه نشهد على جرائم اغتصاب للاطفال واطفال يوكعون بانهر ومشاريع مي .. ماكو طفل ولا حتى عشر سنوات يلعب بالشارع لان اولادهم مو اولاد شوارع اكو اماكن مخصصه العب واكو بيت والبيت كافي احسن ما تخسر اطفالهه ..طبعا اللوم عالام الام هي مسؤله اذا صار بالطفل شي الاب بالشغل يكد ويتعب حتى يامن الهم حياة ومعيشه

[Suzana]

عاشت ايدج ع الطرح ريم ..
اللي صار مؤلم جدا صراحة او يفوق معنى الالم ..
عدة اسباب ولدت هيج نوعية من الامهات الساذجات منها انه الام طفلة غير مؤهلة من قبل عائلتها وبيئتها لتحمل مسؤولية زوج واطفال وانما زوجوها ديخلصون من لكمتها فتشوفيها غير مبالية منشغلة بنفسها واخر اولوياتها الاهتمام باطفالها وتنشئتهم وبالتالي تخلف وتشمر للشارع .. اما الاب فهو الاخر فدوره محصور اشلون يجيبلها افلوس ويحط بجيبها والا اتقوم القيامة على راسه..

[ريـــم]

اتفق معك بأن الاهمال ووسائل التسلية عالتلفزيون والموبايل اخذ الاهتمام واخذ من الوقت الكثير لا اقصد الكل ولكن الاغلب بحيث لا تبالي لأطفالها ومرة اتذكر احدى الاقارب تكول ابنها يبجي جوعان وهي تلعب بوبجي ومتكوم تسويله اكل . هاي كارثة مو بس اهمال

جوعانين قسم بالله جوعانين اني شايفه بعيوني محد كلي الاطفال ديعيشون معاناة حقيقيه بسبب امهم مو الكل لكن الاغلبيه مخيفه مخيفه لدرجه تكول هالام ماعدهه رحمه لو شنوو

[ريـــم]

عاشت ايدج ع الطرح ريم ..
اللي صار مؤلم جدا صراحة او يفوق معنى الالم ..
عدة اسباب ولدت هيج نوعية من الامهات الساذجات منها انه الام طفلة غير مؤهلة من قبل عائلتها وبيئتها لتحمل مسؤولية زوج واطفال وانما زوجوها ديخلصون من لكمتها فتشوفيها غير مبالية منشغلة بنفسها واخر اولوياتها الاهتمام باطفالها وتنشئتهم وبالتالي تخلف وتشمر للشارع .. اما الاب فهو الاخر فدوره محصور اشلون يجيبلها افلوس ويحط بجيبها والا اتقوم القيامة على راسه..

وايدج العايشه ست ..

من نكول موقف مؤلم يكولون انتن عاطفيات المساله مو لهالدرجه هذا قدر الله وماكو شي يعلى على ارادة الله سبحانه وتعالى ،، ادري غير اكو سبب غير هي تعددت الاسباب والموت واحد ؟ انتو الاهل من تزوجون بناتكم متكولون هذني صغار مو مال مسؤليه والزواج مولعبه العائله مجتمع مصغر الزواج يعني تنشأة جيل جديد من انت متعاجز من لكمتهه شكو خلفتهه ؟ شكو تخلفون سته وسبعه وعشره اخلف على كد امكانيتي المعيشيه اشوف افكر دخلي او راتبي يكفي لهالعدد من الاطفال او لا افكر لعد الله المن انطانه عقل ..هاي الاهل ..نجي للقانون القانون شلون يعقد ويقبل بزواج هاي الاعمار ميفكر القاضي بنتائج هذا الزواج الفاشل من البدايه ؟ ميكول هي طفله ومحتاجه تربيه هي مو تربي جيل ..اني اليوم على اللي شفته من سوالف النسوان مؤيده لقانون سبعه وخمسين ورفع الحضانه من الام لان الرجال مديسوي مثل متسوي الام ..

[المستشار القانوني]

سلام عليكم ورحمة الله وبركاته
فعلا هناك نوع من الاهَمال ولاتتحمله الأم وحدها... بل الأسرة كلها تتحمله ا الإهمال... الأب... الأم... الأخوة والأخوات أن كانوا كبارا... الكل يتحمل المسؤولية... وليس الأم فقط... وسبب الإهمال متنوع... لعل وجود وسائل الترفيه والتواصل الاجتماعي من أهم العوامل المباشرة وغير المباشرة لهذا الإهمال...
تحياتي اخت ريم.... موضوع مهم جدا... وجدير بالنقاش والاهتمام

[Suzana]

وايدج العايشه ست ..

من نكول موقف مؤلم يكولون انتن عاطفيات المساله مو لهالدرجه هذا قدر الله وماكو شي يعلى على ارادة الله سبحانه وتعالى ،، ادري غير اكو سبب غير هي تعددت الاسباب والموت واحد ؟ انتو الاهل من تزوجون بناتكم متكولون هذني صغار مو مال مسؤليه والزواج مولعبه العائله مجتمع مصغر الزواج يعني تنشأة جيل جديد من انت متعاجز من لكمتهه شكو خلفتهه ؟ شكو تخلفون سته وسبعه وعشره اخلف على كد امكانيتي المعيشيه اشوف افكر دخلي او راتبي يكفي لهالعدد من الاطفال او لا افكر لعد الله المن انطانه عقل ..هاي الاهل ..نجي للقانون القانون شلون يعقد ويقبل بزواج هاي الاعمار ميفكر القاضي بنتائج هذا الزواج الفاشل من البدايه ؟ ميكول هي طفله ومحتاجه تربيه هي مو تربي جيل ..اني اليوم على اللي شفته من سوالف النسوان مؤيده لقانون سبعه وخمسين ورفع الحضانه من الام لان الرجال مديسوي مثل متسوي الام ..

والله ياريم حتى توعية اجتماعية من قبل وسائل الاعلام بهالخصوص ماكو شفتي المنهاج الرمضاني وقصص المسلسلات البايخه لو البرامج اللي مابيها اي هدف عدا استعراض اجسام وعمليات التجميل..اهمال الام للامانة التي اوكلت اليها وعدم متابعتها الهم السبب الرئيسي بالكارثة بس غير تصير عبرة !
كل مرة فاجعة جديدة من هذيج الشمرت جهالها من الجسر لو التاركه بنتها تصعد ويه ابو ستوته ساعة ظهرية الى حالة الاختناق اللي حصلت وتستمر الحوادث يومية مصيبة شكل ..حسبنا الله ونعم الوكيل

[رحيق العطر]

شكد نقهرت عليهم يعني امي ماتتفقد اطفالها