هنا

[ريـــم]

سلام عليكم ورحمة الله وبركاته
فعلا هناك نوع من الاهَمال ولاتتحمله الأم وحدها... بل الأسرة كلها تتحمله ا الإهمال... الأب... الأم... الأخوة والأخوات أن كانوا كبارا... الكل يتحمل المسؤولية... وليس الأم فقط... وسبب الإهمال متنوع... لعل وجود وسائل الترفيه والتواصل الاجتماعي من أهم العوامل المباشرة وغير المباشرة لهذا الإهمال...
تحياتي اخت ريم.... موضوع مهم جدا... وجدير بالنقاش والاهتمام

اهلا وسهلا استاذ عماد .. الاسره تكول احنه شعلينه عدهم امهم هي تدير بالهه عليهم لو هي ملتهيه بالنت واحنه نربي جهالهه بعد على شنو زوجنه ابنه احنه ؟ احنه من وحنه صغار نسمع انو الام هي المربيه الفاضله نسمع ان الام هي عمود البيت وهي الي تتحمل الجزء الاكبر من المسؤليه .. اشو الام هالايام تخلينه نشك بكلام اهلنه . ونكول هذي الام هي نفسهه الي كالو الجنه جوه رجليهه ! نورتني استاذ عماد

[ريـــم]

والله ياريم حتى توعية اجتماعية من قبل وسائل الاعلام بهالخصوص ماكو شفتي المنهاج الرمضاني وقصص المسلسلات البايخه لو البرامج اللي مابيها اي هدف عدا استعراض اجسام وعمليات التجميل..اهمال الام للامانة التي اوكلت اليها وعدم متابعتها الهم السبب الرئيسي بالكارثة بس غير تصير عبرة !
كل مرة فاجعة جديدة من هذيج الشمرت جهالها من الجسر لو التاركه بنتها تصعد ويه ابو ستوته ساعة ظهرية الى حالة الاختناق اللي حصلت وتستمر الحوادث يومية مصيبة شكل ..حسبنا الله ونعم الوكيل

بالله العظيم ست لو تشوفين البنات الصغار بالمولات الي اشوفهن اني كل وحده يمكن 12 سنه تكولين عروس المكياج واللبس والحركات والكلام البذيء ابقه صافنه اشوف الام كاعده على فد ميز لو تقص ويه صديقتهه لو ملتهيه بتليفونهه والبنات ماخذات المول طول بعرض لا حشمه لا اخلاق ولا عبالك بنات والله ..اما المسلسلات فكاعد يعكسون صوره سلبيه وهالشي مو غريب على اعداء الاسلام .. مسلسله شفت مصوريهه بجامعه عراقيه .. فد مشاهد وممثلات فد شي يطلع الانسان من طوره تكولين معقوله عدنه هيج جامعات ! لو تكتل جهالهه لو تنتحر لو تكتل زوجهه وين حنان الام ؟ وتلكيهه كاتبه عالفيس اولادي سر سعادتي وهم اولادهه حتى تاريخ ميلادهم متعرفه ناسيته ..

[ريـــم]

شكد نقهرت عليهم يعني امي ماتتفقد اطفالها

المشكله مو القهره لان مراح يرجعون لو تلطم امهم منا لمية سنه المشكله اليوم الاطفال ديصيرون ضحيه لام مهمله ومجتمع بائس .،

[علي الواسطي]

بالله العظيم ست لو تشوفين البنات الصغار بالمولات الي اشوفهن اني كل وحده يمكن 12 سنه تكولين عروس المكياج واللبس والحركات والكلام البذيء ابقه صافنه اشوف الام كاعده على فد ميز لو تقص ويه صديقتهه لو ملتهيه بتليفونهه والبنات ماخذات المول طول بعرض لا حشمه لا اخلاق ولا عبالك بنات والله ..اما المسلسلات فكاعد يعكسون صوره سلبيه وهالشي مو غريب على اعداء الاسلام .. مسلسله شفت مصوريهه بجامعه عراقيه .. فد مشاهد وممثلات فد شي يطلع الانسان من طوره تكولين معقوله عدنه هيج جامعات ! لو تكتل جهالهه لو تنتحر لو تكتل زوجهه وين حنان الام ؟ وتلكيهه كاتبه عالفيس اولادي سر سعادتي وهم اولادهه حتى تاريخ ميلادهم متعرفه ناسيته ..

على طاري المسلسلات شفتي مسلسل هادف برمضان بي فائدة لو كلها بيه غايات يعلمون بيه جيل هالوكت بعض التصرفات اذا كانوا غافلين عنها او ميعرفوها او تشويه سمعه للشباب والبنات بمجتمعنا وبالتالي راح يكولون هالشي عادي ليش تستغربون كلشي موجود بالمجتمع .

[الرميثي]

لبى لبى آنستازيا
هاي اول مرة اشوف امراءة متعاطفة وية الرجال ضد النساء
راح اكلف الاستاذ عماد يعمل لكِ وسام الاستحقاق ومن الدرجة الاولى
لانه انتي صرتي من حزبنا والمدافع عنا امام بنات حواء هههههه
لانه عجبني اسلوبكِ وطريقة طرحكِ للموضوع ونقاشكِ الحماسي
ضد امهات موديل القرن 21 وخريجات مدرسة الفيسبوك التخريبية

واما الكلام عن الام ما بين الماضي والحاضر
فهاي مابيها اي مقارنة لا من بعيد ولا من قريب
نحن من مدن الجنوب والتي هي شبه ريفية
وكنا نرى ونسمع اخبار الامهات في ذلك الوقت الذي لم يكن
فيه ادوات كهربائية حديثة او تكنلوجيا متطورة
فلم تكن هناك مكائن للطحن او التنظيف او الطبخ او غسل الملابس
فكان كل الشغل هو شغل يدوي وكانت ام البيت هي من يعمل كل هذا الشغل
اضافة الى تربية الاولاد والقيام بشؤون العائلة والمشاركة في الزراعة
في المناطق الريفية والزراعية
وماكنت اتصور يوم من الايام حل المغرب والعمل الفلاني ما خالص
ابداً كل الاعمال في وقت المغرب منتهية وكاملة على اتم وجه

ايا ياليت الزمان يعود يوماً
حتى نساء هذا الوقت
يشوفن نساء ذاك الوقت
كيف كانت عايشات

[عضوية122513]

زين هذا الرجل قال ما رآهُ وغير مجبر على هذا الكلام لٰكن اللوم على الأبوين أين كانوا من خروج الأطفال الى حين وجدوهم الآخرين في هذا المكان علماً ان الأطفال صغار لا يستطيعون فتح الباب يكون ثقيل عادةً مع الطفل ثم كيفَ صعدوا في الداخل وهل معقول لن يمر شخص من ذالك المكان وحتماً كانوا يبكون !

[ريـــم]

على طاري المسلسلات شفتي مسلسل هادف برمضان بي فائدة لو كلها بيه غايات يعلمون بيه جيل هالوكت بعض التصرفات اذا كانوا غافلين عنها او ميعرفوها او تشويه سمعه للشباب والبنات بمجتمعنا وبالتالي راح يكولون هالشي عادي ليش تستغربون كلشي موجود بالمجتمع .

لاا مو كل شي موجود بالمجتمع المسلسلات ابدا متمثل واقعنه مااكولك الشعب كوله ماشي عدل اكو عالم طالعه من الطريق بس مو الكل هم ديسوونه شعب منتهي فد مره

[ريـــم]

لبى لبى آنستازيا
هاي اول مرة اشوف امراءة متعاطفة وية الرجال ضد النساء
راح اكلف الاستاذ عماد يعمل لكِ وسام الاستحقاق ومن الدرجة الاولى
لانه انتي صرتي من حزبنا والمدافع عنا امام بنات حواء هههههه
لانه عجبني اسلوبكِ وطريقة طرحكِ للموضوع ونقاشكِ الحماسي
ضد امهات موديل القرن 21 وخريجات مدرسة الفيسبوك التخريبية

واما الكلام عن الام ما بين الماضي والحاضر
فهاي مابيها اي مقارنة لا من بعيد ولا من قريب
نحن من مدن الجنوب والتي هي شبه ريفية
وكنا نرى ونسمع اخبار الامهات في ذلك الوقت الذي لم يكن
فيه ادوات كهربائية حديثة او تكنلوجيا متطورة
فلم تكن هناك مكائن للطحن او التنظيف او الطبخ او غسل الملابس
فكان كل الشغل هو شغل يدوي وكانت ام البيت هي من يعمل كل هذا الشغل
اضافة الى تربية الاولاد والقيام بشؤون العائلة والمشاركة في الزراعة
في المناطق الريفية والزراعية
وماكنت اتصور يوم من الايام حل المغرب والعمل الفلاني ما خالص
ابداً كل الاعمال في وقت المغرب منتهية وكاملة على اتم وجه

ايا ياليت الزمان يعود يوماً
حتى نساء هذا الوقت
يشوفن نساء ذاك الوقت
كيف كانت عايشات

لباك ..لبى عينك اي ادافع عنكم ضد امهات السحوره ^_^

هسه هو حتى الي يتزوج من الارياف يكولك اجيبهه باب عرب مو مثل بنات المدينه يفيكن هم مخلصان هم الريفيات طلعت عينهن ..طبعا الكلام مو للكل لو خليت قلبت بس هذا واقع امي تسولف تكول اخوكم مينام للصبح اسهر ويا شايلته بايد ولازمه الكتاب بالايد الثانيه للصبح لان عندي امتحان تكول افقد تركيزي اكوم ابجي من الارهاق لا اني نايمه ولا اني دارسه ولا الطفل نايم وهاي لنهاية السنه علما تخرجت وانوب طلع تعيينهه قرى وارياف لازم تكعد من الخمسه تطلع حتى توصل من وقت وقبلهه تكون محضره الغده ومخليته بالثلاجه لان على كولتك ماكو مثل هسه لا مكاين ولا تطور ولا مطاعم وتوصيل دليفري كلشي جان على الام ومع ذلك درست اطفالهه وخرجتهم وقامت بواجباتهه على اكمل وجه ..

[ريـــم]

زين هذا الرجل قال ما رآهُ وغير مجبر على هذا الكلام لٰكن اللوم على الأبوين أين كانوا من خروج الأطفال الى حين وجدوهم الآخرين في هذا المكان علماً ان الأطفال صغار لا يستطيعون فتح الباب يكون ثقيل عادةً مع الطفل ثم كيفَ صعدوا في الداخل وهل معقول لن يمر شخص من ذالك المكان وحتماً كانوا يبكون !

القصه حقيقيه قزوم ومو تلفيق .. الاب ما مسؤول لان الام ببيت اهلهه ..اذا ميخليهه تروح تقوم القيامه بيت اهلي شايلين وعدهم شغل لازم اساعدهم واني شايفه هوايه بيوت ابوابهم مفتوحه ليل مع نهار ما اعرف شنو هالعاده العجيبه الي تخليهم يشرعوم ابوابهم والاطفال طالعه طابه ..اما عن محد شافهم ف اي محد شافهم لان الحادث صار الضهر وانتي تعرفين الجو والدنيا رمضان وحاره منو يطلع بالضهريه يراقب جهال المدام ..السياره بيهه عطل وهذا احتمال جدا وارد اني عندي باب مينفتح مو فد معجزه واذا يبجون مينسمع صوتهم لان اكيد ابو السياره رافع الجام خوفا من السرقات ومن الحراره تفوت لداخل السياره وما عليه لوم ابو السياره

السؤال هنا الام مكالت الجو حار والدنيا ضهر وجهالي بره خاف يضربهم تيفوئيد خاف يتخربطون خطيه خل اشوفهم وين ما وين انومهم اغديهم وين الام ؟

[دكتور جميل]

آخ وألف آخ
وسفه على هالزمن.. صاير مثل الثوب العتيك منين ما تخيطه يفتك..
الأخطاء حدّث ولا حرج
التربية الخاطئه ، التقاليد التعبانه ، الاعراف المريضه، الاسره المفككه، العقل الساذج، و. و.. و
الله يكون بعونك ياعراق