اول صوت..المشاركة الأصلية كتبت بواسطة احمد الگرعاوي ♪
تدري انا الحب عندي جدة وتطرف وتكسير ابعاد ونار لها اكل
اول صوت..
تدري انا الحب عندي جدة وتطرف وتكسير ابعاد ونار لها اكل
متابعة
حضرت كلنس حتى ابجي..منتظريك
قصة حب حقيقية وحدثت وياي ..
اسمعوا ..
اني اداوم ماستر السنة الاولى .. فبقيت بالخط مالتي مال البكلوريوس وبما اني ادرس ماستر بنفس كليتي فما حبيت اترك الخط واصدقائي
المهم .. اكو ولد جاري بعد كم بيت عني ولان هو قريب عليه واعرفه فجانت اسراره كلها يمي ..
فهو من كم سنة يحب بنية بالخط ويانة وبالخصوص هية وياه بنفس القسم ..
شلون تعرف عليها وصارت العلاقة .. يوم من الايام متصل عليها شخص ما اعرف منين جايب رقمها واجتنا البنية وبيومها كاعدين اني وياه وكالت هاي المشكلة .. فاخذنا الرقم الغريب علمود نتصل عليه ونشوفه شيريد وطلع رقم الولد محفوظ عنده واحد من طلابهم .. المهم هو حللها المشكلة وياه وصارت من وكتها علاقتهم ..
هو منطيها وعد كايللها اني بالمرحلة الرابعة اخطبج حتى ورة التخرج بكم يوم نعرس ..
المهم الولد خلال سنين الدراسة بايام العطل يشتغل ويجمع فلوس ويدرس بجد بس علمود يوفي بوعده اله ..
وصلوا الجماعة للمرحلة الرابعة .. اشو الولد بدت تتغير عاداته وصاير مدري شلونه مزاجي وعصبي ..
سولفت وياه .. هاا خيرك .. جان يكول احمد البنية متغيرة هسة لا تراسلني صارلها فترة وحتى من اراسلها من ورة خشمها ترد
وجنى اغلب وقتنا سوة هسة بس تتعذر وخايف عدها مشكلة او عدها شي .. كتلها انطيها مجال شوية وحاول تحجي وياها خاف عدها مشكلة بالبيت او الدوام ..
المهم ورة هذا كلامنا بكم يوم .. اجاني الولد بالليل للبيت ..
يدك بالباب فطلعتله لكيته يبجي مثل الطفل .. ها ولك شبيك تبجي خيرك ؟
جان يكول احمد فلانه تكلي كلت لاهلي واهلي مايردوك .. واني اموت اذا تعوفني
تدري بية احمد شكد احبها .. واهلي شكللهم بعد ماكتلهم اريد اخطب ..وكل هذا الشغل والتعب علمودها
المهم .. ساعات اسولف وياه واهدئ بي يالة شوية هدا ..
المهم الولد لاكثر من اسبوع مايداوم ..
والبنية سولفولي عنها وية ولد من الديوانية اموره زينة ..
رحتله للبيت كتله خوية انتة عايف الدوام علمود وحدة ماتسوة نعالك ..
خوية شوف مستقبلك والله يرزقك اللي تسواها وتسوة راسها ..
هاي قصة اني عشتها .. حتى تعرفون العالم وين وصل بيها الطمع وليش رب العالمين مايرحمنة
الكل يركض وره الفلوس نادرا ماتلكى وفاء بين اثنين ..المشكلة بعد الزواج تبدي تحن وتتذكر وتزداد الامور سوءا بالنسبة الها ..لا هي التزوجت وارتاحت ولا خلت حبيبها يرتاح وغالبا ماترجع ندمانة بس بعديش..
شو انغلق الموضوع ورجع انفتح ؟؟ خيركم
من القهر غلقت الموضوع
مع الاسف اكو عالم تفكيرها محدود قدر المادة ..
تدرين اكو عالم كاعدين بكوخ ومرتاحين بعيشتهم البسيطة
واكو عالم تملك خير من الله ويتمنون يرتاحون لو ساعة .
