هنا

[ارجع يازمان]

امي تطلب ملح من بيت الفقاره
لكن ابهذا الطلب اجمل عباره,,
عود محتاجيهم احنه,,
ابحجة امخلص ملحنه,,
,, حتى لو طلبوا أكل عادي اعتباره,,
اتكول يامرخص طلبكم
احنه هم طلبينه منكم,,
الجار
ينطي
وياخذ
وحقه اعله جاره!

::::::

امي كدام اليتيم
اتكلي عمه
أبد متناديني يمه
اتخاف
هالجلمه ,, تلجمه,
لو سمعها ,, ويذكر امه!

::::::::


مره يمها اتعاركينه انه وصديقي,,
القميص الجان اليه
ايكلي لا هذا قميصي!
امي كالت
أحكم ابحك
والرفض هالحكم ينطك,
أدري بامي
اشراح تحكم!
انقهرت الثوبه المشكك,,
كالت
انته
الجذب عندك,
وصاحبك حجيه حقيقي!
ونَزَعت
ثوبي ابطريقي
ولبست ثوبي الصديقي
عاتبتها؟
وذكرتها!
انتي شاريته االيه
اشلون ما يبقى عليه؟
كالت اسمعني
ييمه
ااااالعازه غمه,
وانته عندك
واحنه بالعازه نسندك
واعرف انته صاحب الحك
وهذا ماعنده وفقير وعاينت دمعاته تشهك!!
هيجي امي احساس عدها
لاجل دمعات اليتامه
اتطلع الصوج ابولدها!
حسين االساعدي

[❤أميٰـر الہٰغـروبٰٰ❤]

شكرا ياطيب كلمات اكثر من رائعه
الله يحفظ جميع الامهات ويرحم الاموات يارب العالمين

[ارجع يازمان]

شكرا ياطيب كلمات اكثر من رائعه
الله يحفظ جميع الامهات ويرحم الاموات يارب العالمين

حضورك اجمل دمت بخير