العمر كوطر
:::::::::::::::::
من اذكر اسنيني المرن اهواي,,,
واكلبهه الصور والكيهه اشكال,,,
اطيل النظر الهه وافكد الراي,,,
صدك هذا الجرالي ودوهن الحال,,,
عجيبه الظيم ذاك الصار وياي,,
ماينحمل حيل بثكل ال جبال,,
حزن والام عشت بهذي دنياي,,,
طبع الدنيه قاسي وربي حلال,,
النسيان نعمه الباري سواه,,
وهلنعمه اكيد تريح البال,,
عزاز اهواي راحو مني بسكوت,,
ومنهم عني كوطر حمل وشال,,
بس ذكره تظل من اصفن امرار,,
ولومريت صدفه ابين الاطلال,,
تسيل الدمعه علخد واشعر بضيج,,
واحنن عليالي البعدن اميال,,
لان هذا العمر مثل المحطات,,
وبنادم بطبعه ايصير جوال,,
والدنيه سفر لو ضيف ويبات,,,
وطبع الضيف اكيد يكون رحال,,
ظل وشله العمر ليش احسب احساب,,
والمرن عليه كلش اثكال,,
لاصاحب بقه واتسامر اوياه ,,
حته الولف ليه صار جتال,,
خليني اعدي ايامي بسكوت,,
ولا اسمع كلام القيل والقال,,
باجر من اسافر والحك الراح,,,
اذكرني وعساك براحة البال,,,,
:::::::::::::::::::::::::::::::::::::::::::::
الدغاري..
من الواقع
رد مع اقتباس