الوكت منجل
.........................
اني المارويت بكاس دنياي...
لون شح النده طبع الورد يذبل...
ماضكت السعاده من اول اصباي..
ولا نية ايامي بيوم تتبدل..
حلو طعم الفرح كالولي عنه اهواي..
ماجربته مره وعنه ليش اسأل..
عاشكني الحزن عشك الشلب للماي..
صابر للاخير وزعي ماسنبل..
ابن هاي الارض ياعمي مو وداي..
ماعوفن ابد وادري الوكت منجل...
ملتني السجج يادرب بي ممشاي..
يكلي متيه انته شبيك ماتندل..
من كد مااروح وارد ظيمي وياي..
جم بطران بذني يصيح مايخجل..
دولبني الوكت ماظل بعد كل راي..
مثل ام الوحيد وللابد يرحل..
توم وي الحزن واصبح وليفي الناي..
وطبعه لو عزف منه الدمع وشل..
كول الكيض يكظي شلون بشتاي..
وانه بشحه ولامتعود اعل الزل..
ولان كثره الشماته وتفرح بهاي..
اشد احزام بطني ولبسي معدل..
العمر وشل بعد وشينفع اغناي..
خل يجفي الوكت وبكيفه يتمعجل...
..............................
بقلم الدغاري
رد مع اقتباس