الى صديقي الذي حسبته يوما من الاوفياء...ولكن...
...................................
مر بخاطري
...............
مر بخاطري مرت وفه بيوم....
واذكر جنت الك بلعشره وفاي...
انته الي جفيت وصار معلوم...
عرفت بنيتك متغير اهواي..
لأن كتلك بكلبي اصبحت مرسوم..
تجافيني ولك وتشمت اعداي...
دريت بعشرتك للتالي مدوم..
لأن نجلات منك شلن الراي..
من تحت الرمح ماجيك للدوم..
تعلمت الصبر من جور دنياي...
تذبني ابير هجرك وانه مظلوم...
وتتعمد يظالم تكطع ارشاي..
وهواس وضنون وظيم وهموم...
كمت ياصاح اغص بشربة الماي...
من امشي اسوهي وحالي مظيوم..
اسولف ويه روحي منين اجت هاي. .
غابت شمس شوكي وصارت اغيوم..
تراهي اسهام هجرك حشن احشاي..
ماتدري السجج تتلاكه فد يوم..
واكلك ليش هجي اتسوي وياي..
واراويك الجروح المنهه مالوم..
بعد عذرك شنو يمنحل اعضاي..
وشينفع بعد ماينفع اللوم..
من غابت اسنيني وغرب اصباي..
ماصيرن دخن ماكول مذموم..
وانه العنبر شتال معاشر الماي..
علمكشوف احجي وموش مضموم. .
ماتسوه العتب يمشمت اعداي..
...........................
بقلم الدغاري
رد مع اقتباس
المشاركة الأصلية كتبت بواسطة رحيق العطر
