هنا

[حسن هاشم]

جنت خيالها وسباك كل خيال
بس الدنيا عالت والوكت شخبط

غم صايود يتختل على البلكاع
انوشن صيدتي البسمه الماتفحط

امد ايدي عليها وهي فوك الغيم
ماعاين الصيد عله الارض لو حط

صح اسامح اي نعم وتساهل هواي
اكول تهون تخلص يرجع اليغلط

اليهمل كياني بضعف وستهزاء
بخط احمر اشطبه وحيل اجر الخط

ابو الوجهين اعوفه ومااسولف بي
ولا غرني بكلامه السولف مسفط

اختار الكلف والتجف والبي زود
ماعاشر رعيع ونذل ومخربط

ماريد الحجايه البيها زله وعيب
على الجلمه النزيهه لساني مبشط

محلات الرجل كلش رزن لو صار
مامحسوب كدها الرجل لو خبط

ماعاتب خسيس وناكر المعروف
اتركه ويالزمن من خسته اتحوط

ذيل الجلب اعوج ينعدل هيهات
يبقى الجير اسود مايبيظه الشط

الماحاسب حسابي ولا افكر بي
اصلاً ماعرفه. مجانه بالمربط

اضل انه بكياني وعزتي التنهاب
وضل بكل فخر بخلاقي مكمط

سيف وشاره عدي ثنينهن كلفات
ياهي تريد منهن بالثنين اشحط
غالب الموسوي

[Aya']

شكرا لك

[Karar al zidiey]

رهيب

[حسن هاشم]

شكرا لك

رهيب

شكرا لوجودكم اعزائي