هنا

[بلاسِمُ الأدب]

#خطاب_مولاتي_زينب
#لمولاي_امير_المؤمنين . .


فارگنه اعله كيفك يا ملوحتنه
يشيال الرسايل والوفه بمتنه ،
يضحكتنه ، ينعمتنه ، وحچايتنه
يبويه شمالنه من متت ما متنه ،

- يبويه = يحيدر راشده الروحه
- يبويه = المصلايه مجروحه ، ،
- يبويه = واحدنه گضت روحه ،

-- من عينك لعيون السمه
-- يا قرأن املطخ دمه ، ،
-- يا كعبه الماتت صايّمه ، = يبويه ، ،
_________________________________
اضهورتنه انحنت حنيّتك بالسجده
انزرعنه گبال محرابك عرگ ورده ،
انفتح قرأن راسك ياهو ليسده ، ،
لباب الجامع الدم وصل شيرده ، ،

- يبونه = كلمن كاض خاصرته
- يبونه = موتك والله مو وكته
- يبونه = الحديد السيف طر گصته

-- فزتُ وربُ الكعبه صار
-- ترتيلك بلسانك قرار ، ،
-- واشتعلت بگلوبتنه نار
_________________________________
لكيناك اعله طولك طايح وغافي ،
السيف بحظن راسك نايم ودافي
دمك ينسحك وانه ام جدم حافي
مشيت ودمعي بلل خدي وچتافي

- يبويه = بصلاتك ماتت السوره
- يبويه = گصت الدين مطبوره ،
- يبويه = السيف يلوح الحروره

-- نهر الدم يجري بهامِتَك
-- وراسك ما لايح تربِتَك ، ،
-- يا وسفه انداست عتبِتَك ، = يبويه ، ،
_________________________________
اعله كض الخاصره امعلم صبح جفي
شيظل بالحيل ابوي امدد بصفي ، ؛
دمي ابچيله كون يكفي ويوفي ،
اباب البيت بس نعشك ترس چتفي

- يبويه = المگابر مو درب يسوه
- يبويه = گعدت بيتنه الحلوه ، ،
- يبويه = فراگك چم حزن سوّه

-- من أول خطواتك جرح
-- شيگضيهه الگعده للصبح
-- من راسك راوّوك الذبح ، = يبويه ، ،
_________________________________
اعله طبرك بعد ظل يا وجه يتفسر ،
دمك ترس راسك عبر للمنحر ، ،
الحزن قلمه نشيط وطيحتك دفتر
السيف بطَبرِته لعينك وصل حيدر ،

- يبويه = عمرك چم سنه وزينب
- يبويه = من اسولف للتعب يتعب
- يبويه = الگلب من حزنه ظل ينحب

-- يا شمعه وطفاها الوكت ،
-- ماتن فرضينك من متت ،
-- ولطولك دمعه سافرت ، ، = يبويه ،
_______________________________

- علي مهدي المالكي

[خالدالسعد]

احسنت