ناسينه لو عندك علم
منا قسم ومنا قسم
ومناك من اجروحنه توجه قسم
ولاحله مابيهن اجن كلهن يحمل فد اسم
بسمك اجن يشكن هضم يبجن دمه
جنهن زلم غالي وصعب بجي لزلم
لو تدري انته شكد مهم ؟
مثل لكرامه لتنقري بدمع الزلم
لو تدري انته شكد مهم؟
ليله بين نجومنه ندورك نجم
وعيونه دور عليك بكل سواد الليل ماخلت حلم
وين انته ملينه النشد ولناس كامت ما ترد
ومن يدري شيسوي البعد ؟
يهجم هجم ياخذ فرحنه وينهزم
وبيت المشاعر ينهدم
ومن يدري شيسوي البعد ؟
وبعدك ضمه وشفه لعمر
ولشفه بثياب العطش هم تبتسم
لو تدري انته شكد مهم
وبعدك بقينه بلا اسم
ورسمونه مو نفس الرسم
عندك علم ؟؟ناسينه لو عندك علم
جبار رشيد
رد مع اقتباس