درر العراق

ملكةه · 2/May/2021

كبرنا_ياست_الحبايب وعرفت أن الكبة دوختها چبيرة والدولمة لفها يكسر الضهر ..

كبرنا يا أمي وعرفت انه تنظيف المطبخ هو براد وغاز وگاع وثلاجة ومروحة ومسح وترتيب مو بس المواعين والسنك ..

كبرنا ياقطعة من گلبي و عرفت ان الاكل والشرب بالغرفة يسبب الفوضى ورمي الملابس هنا وهناك يخرب الغرفة ويكسر الظهر بالتنظيف ..

كبرنا ياأمي وعرفنا مدّ الزوالي وشيل الزوالي شلون يهلك الجسد ..

كبرنا يااغلى البشر وعرفت معنى الحمل و والولادة والتربية و الخوف على الأطفال ومراقبتهم بالثواني ..

كبرنا ياجنة الرحمن و عرفت ليش ما اگدر اترك بيتي واطلع شوكت مااحب (المسؤولية چبيرة) ..

كبرنا يا غلاي أنتي و كل اللي سويتة بيچ اشوفه بعيني .

كبرت يا سر وجودي وعرفت شنو معنى المثل (ميصير راس الا يشيب راس) ..

كبرت يا أمي وعرفت أنتي شگد #تعبتي لخاطرنا وشگد تحملتي وشلتي همنا

تسواهن وتسوة الكون
وتسوة الدنيا والبيهة
امي الدللتني سنين
ابوس تراب رجليهة