صـــلاة الليل عشكـــــت حيدر الكــــرار
گــــد ما للفجــــــر حيدر يأديهـــــــــة
ومــن فگــدتة غايــب ليلة العشــرين
صعــدت لسّمــة خاطــــــر يصليهة
ومثل كسر الضلع محرابة ضل مكسور
ونزلت فاطمة وصلى الضلع بيــهة
وذو الفقار هد بس هد بلايا جفــــوف
سيف ابلا علي ...شيكضة ؟ يمحيـــهة
ولولا حكمـــة الباري بهذاك اليـــوم
عن بكــــرة ابيهــــــــا الدنيا يفنيـــهة
خلف السيف صوت اينادي ملجم وين ؟
ثاري الحمزة نزلت روحة هد بيــهة
واجت عصاة موسى تعزي ذو الفقـار
عن السيف فرســــــخ شبت ايديــــهة
نار السيف صار.. اولو طلع مليــــــون
راس لابن ملجـــــــــم مايطفيــــــــهة
آخــــر روح تؤخـــذ روح عزراييــن
وماضــن غير حيدر ينزل اعليـــــهة
لحيدر بحـــر الاسود لبس ســـود ثياب
مو حكــــها الارض تلبــــــس لياليهة؟
مساكــــين الارض يندلهة لاخــر بيت
ولو فـــوك القمـــر فقرة ايتعنيـــــــهة
ومثل غيمة مطر تندل زرع عطشان
يفتـــر عاليتامة وجفـــــــــة يمطرها
(لتعلم اليتيم اعل الفـــرح ) مكيــــول
هيج المثل جان بوكت حيدرها
علي القــــائد العام بوحــــــدة المختار
من نصـــر لنصر والوحدة بآمــــرها
وذا طب للحـــرب يحتار ملك الموت
خيل اعل الفــــوارس يكلب اظهــرها
جيش المسلميـــن بأحــد شال ايديه
(يارب هالجيوش بعيني صغّرها)
وذو الفقار جـــــاع ويدعي رب الكون
(يارب الجيـــــوش اكبالي كثّرها)
ومثل سلســــلة مالك والرگاب اوتاد
يربط مقدمــــهة بطــــرف آخــــرها
بحيث الرووس عدهة صطفاف ايصير
اذا مو بالعرض بالطول يشطــــرها
علي اول قصيدة ابقلم رب الكــــون
علي اول قصيدة اعبدت شاعــــرها
ومن تصعد المنبـــــــــر انبياء الله
تتوضة لصعــــود المنبر اطهـــــرها
وعلي لمسجد الكوفة الجمعة من ايروح
جان لخطبتـــــــة يتوضة منــــــبرها
على جتاف النبــــي بالكعبة شاله وكــام
هبل واللات حيـــــــــــدر بيدة طشـرها
ومن شاله النبــي شال ايدة حيــــدر فوك
ولو راد النجــــــــوم بحضنة يشمــــرها
حيدر والنبي المفــــروض جانو تــوم
بس ماكو مَــرَة بهالحالة تكــــدرها
لان ماكو رحـــم يحمل اشمـــوس اثنين
كل شمس برحـــم بالقدرة صــــورها
بس ام حيدرا ما كدرت الكــــــــــــرار
لوما بوالحـــــسن بالكعبة حاضــــــرها !!
خالد السعد
رد مع اقتباس
