مو عجيبه الدنيه تصبح مظلمه
اليوم شالو نعش حمّاي الحمه
ذبّو كل لون و عليكم بالسواد
وخلّي كل الدنيه تعلن للحداد
اليوم ودّعنه علي ، سَيْد العباد
جمرة وسط الروح ننصب مأتمه
يا هلي، چن جاي أوّدع كل هلي
ماضن اهمومي بغيابك تنجلي
بوية من احتار اصيحن ياعلي
حايرة و شندب يَباب الموزمه؟؟
لا تجي يا عيد بدياري تمر
وانه عندي احباب ماخذهه الگبر
لا ثغیب ايفيد و لا ينفع صبر
ابوجه ابوي العيد اشوفه امعلّمه
یا گلب زینب صفه اشحال الگلب؟؟
ضاگت انفاسي،تره فراگك صعب
وسفة يابو اتراب أسلمك للترب
ها يا شمس الله فهه وجه السمه...
يا جبل صبر الله يا محير العقول
يالشلت بگلیبک امصاب البتول
گول یا الله ، علیک الله و رسول
بویه حاچی ایتامک ابحگ فاطمة...
د.ابوعلي النجفي
(أحمد حسين النجفي)
الشاعر و الملحّن الأستاذ
أحمد حسين
رد مع اقتباس