ارضاء الناس
ارضاء الناس
تختار اليعجبك ما عليك اشكال
بس كون بمضرَّة بشر لاتختار
ما مجبور اتبعك وآنه صاحب راي
فكرك يختلف عن فكري لا تحتار
ما مستعد ارضي الناس بالاقناع
ارضاء البشر كلهم سهم بتار
يطعن بالذهن ويخربط الاحوال
ويدمر الكَلب ويشتت الافكار
واثق بالنفس والعبرة عندي دروس
وعلومي جبل ..عد غيري خلها زغار
مو مشكلتي لو مامقتنع معذور
ما يعدل كنوز الذهب صم حجار
انسانية عندي وملتزم بالدين
ما ازعّل بشر ما اخالف الغفّار
حتى الانبياء احتاروا ويه الناس
رغم المعجزات وكثرة الأذكار
اشوف الحكَ جثير البشر تسخر بيه
والاخلاق صارت للجهل معيار
اصحاب الكرامة بهمة وباخلاص
هواي من البشر تنظرهم استصغار
بالغ بالثقة بنفسك بلا ترديد
بس لا تنطي غيرك ميزة استحقار
ولا تسمح الواحد يحتقر بالروح
اهل الجنة وين او وين اهل النار
اسماعيل القريشي
الجمعة ٢٠٢١/٤/٣٠
يوتيوب اضغط هنا
رد مع اقتباس
المشاركة الأصلية كتبت بواسطة Sky Legend
