الايام الحيدريه>>
............................
تحيرني ياعلي بيك الصفات....شرد اوصفك وانته ابد ماتنوصف
من اكولن ياعلي ترجف اعضاي...ابد مو من خوف كلبي يرتجف
انتـــــــــه قانون المحبه والسلام....هذا واضح بي ابــــد مانختلف
لأن بلمحراب دمعك من يسيل,,,,العرش يعرف بعلي من ياصنف
انته قانون العداله مـــــن الاله,,,وي الفقير اشكد حنين انته وترف
امرار ذو الفقار خرخاشه يصير,,,وناي للايتــــام باشواق ايعزف
مايعرفك غير ربك والــــرسول,,,,وانته الهم سيدي اعــــظم ولف
بعالــــــم الذر انته وياهم تعيش,,,,نور ويه المصطفى جتف بجتف
ولجل حبهم صرت ناذرهه الحياة,,,والمواقف موش ميه ولا الف
انته ياسيدي يارمــــــــــــز الفداء,,,الماشعر بخوف لو كلبه ايخذف
انته يانهر الوفـــــــه الطه الامين,,,دوم جاري وابد مالحظه يجف
بس طريق الحق الموحش تدري بي,,من مشيته وزين اتعرفه كلف
قله ربعك صارو بذاك الزمان,,,وانته ادره الناس بيهــــــم وتعرف
شترجه من ملة حقد تعبد اصنام,,,والكلوب التعمه ابـــــد ماتعترف
باجر انته اعل السراط المستقيم,,,المايحبك يـــــاعلي اكبر صلف
انته ايه وبيهه كــــــل المعجزات,,,يابحر واسراره ابد ماتنعرف
:::::::::::::::::::::::::::::::::::::::::::::::::: :::::::::::::::::::::::::::::::::::::::
الدغاري
رد مع اقتباس
