من الارشيف القديم.......
احساس الفقير
...................................
القصيده البيهه احساس الفقير.....من فقير بروحه يحجي قصته
اتحس معاناته اذا ماكو رغيف.....وصادق اتحسه بكلامه ولهجته
لمن يصبر علفقر مايشكي ظيم...ومن ينام الليل حاضن دمعته..
تدري الام الفقر صعبه تصير....اشد من ضربة السيف وطعنته.
القصيده التنكتب من الخيال....صح تعبر عن فقير وحالته
الفرق ياصاح الاول بي جروح......الثاني يكتب شنهو عينه الشافته...
البي جرح يتألم وينزف هموم...الثاني ماعنده جروح وأذته
اني عشت الفقر مده من ال سنين....وشفت لوعاته وضكت مر شدته..
يامرارات الشته وذاك العذاب....والفقير المطر ضيف بكبته..
ويجي وكت الليل وهموم وكفار. .صدفه لو عنده غموس الخبزته..
الفقر مو عيب بس هو صراع....هاي دنيه وبيهه كلمن قسمته...
اكو ناس بتخمه بس مو بلحلال... وجم فقير اتحس غني من عفته..
الباري نزل نعمته بارض وبحار...نعم ربي الخير كله بتربته..
الباري كال اعيالي كل الفقراء...اذن حصه الكل فقير بدولته...
الرعيه البلوطن الهه حقوق..هذا واجب في كتابه وسنته...
الفقير العاش بين الاغنياء...هم تظن اعيونهم ماشافته...
اكو منهم يكرم ولكن قليل...واكو للسايل.
يعكمش كصته...
جان ابو الحسنين يتلكه اليتيم...والفقير الداره توصل حصته..
ماينام الليل من يسمع جياع....لان يدري الناس امانه بركبته..
يمته جا منهج علي نمشي عليه....والفقير الفرح يوصل مهجته...
جم فقير الحاير بارض العراق....بلدرب من يمشي تسمع ونته..
كلكم راع صريحا بلحديث..
ولازم يساوي الرعيه ابنظرته
..............................
بقلم الدغاري
رد مع اقتباس
