ونحن نعيش هذه الايام الرمضانيه....الحيدريه ...وذكرى استشهاد.الامام علي عليه السلام...
...................................
حامي الحمه.
..................
لسه بلمحراب ..دم الداحي الباب..
نور من السمه...اثر حامي الحمه
اليوم جنه انصاب...
..............................
جن يناجي الباري ودموعه تسيل
منو مثلك صار ياحامي الدخيل
انته باء البسمله الماله مثيل
مايعرفك غير ربك والجليل
انته قاموس اللغات....حيرت كل الصفات
وانته فصل الخطاب...
..................................
بلمواقف سيدي تحير العقول
المرتضى نهج البلاغه والاصول
انته شمس الله فلا الهه افول
شما يكول الناصبي خله يكول
منو ردتله الشمس....حاقده اهل الرجس
واضحه الاسباب
.................................
والله يابو الحسن محتار القلم
مثل علمك سيدي ياهو العلم
الماتعنه وسجد فد يوم الصنم
تبقه رمز التضحيه ورمز القيم
محطم الاصنام...راعي للايتام
للكفر ميهاب
................................
العرش مولاي لمصابك حزن
سيف ذو الفقار دمعاته مزن
انته سور الدين في وكت المحن
وانته ايه سيدي يابو الحسن
ارواحنه الحبتك...ياشفيع الامتك
نور ابد ماغاب
................................
التردله الشمس في وكت الغروب
يعني سر وبلعرش اسمه مكتوب
والله حبك سيدي يمحي الذنوب
تظل يامولاي ساكن بلكلوب
سيدي حبك فرض..رحمه نزلت عالارض
انته ايه بكتاب..لسه بلمحراب
.................................
بقلم الدغاري وعظم الله اجوركم
رد مع اقتباس