أرد اسولف ومنكم اطلب معذرة
وما اريد البعض منكم اخسره
هواي ناس تعيش دنيا بلا رقيب
دنيا حمالة فتن ومعثرة
الغيرة ضلت بسم اسم ضاع الحياء
وصارت اخلاق البشر رخص الثرة
وابتعد ياخويه عن مال الحرام
هذا تأثيره مباشر عالبنين وعل المرة
أنهتك عرض الناس ونداس الشريف
وكالوا انتم جهل وين الاخرة
عيش دنياك برفاهة وبفجور
ماكو نار الهل وكت متسعرة
احذر احذر دعوة الشيطان هاي
وسطوة الشيطان اصلا قاهرة
كثر تقليد الاجانب بالفجور
تقلد النسوة الرجال والرجل يصبح مرة
وصار واقع حالنا ذل ونحطاط
وقشمرة في قشمرة
وبعد اطلب التفاته ومنكم اطلب معذرة
من تطب دارك تفهم شوف ماصار وجره
راقب التلفاز وحذف قنوات الفاجرة
الخلاعة طبت الكل دار ماعدنه رقيب
واصبح النقال يشبه عنتره
تبادل اللقطات سموها حضارة
والحجاب الظل اسم بس ظاهره
لاتعوف الوضع هيته بلارقيب
انحلال يصير وانت بلا دراية ومقدرة
اطفالك وعندك امانه لاتكول
الذنب معروف والله ليغفره
انت راعي والرعية بركبتك هذا اكيد
اذا علمهم ادب من مصدره
راعي بيتك صونه وبلكمة حلال
الرزق معروف الله مقدره
انت من اتعف تره تعف النساء
ولو خنت عرضك صديقي تخسرة
هذا مو قولي تره قول الإمام
قول أبو موسى إمامي جعفره قال عفو
وخلي بالكصة ولك قطرة حياء
عيب لو اهلك تمشت سافرة
يعني تفرح من تصدلها العيون
هذا عرضك وانت لازم تستره
واذا للمسواك فد يوم وتروح
امكيجة بكامل قيافه معطرة
يعني افهمها حقيقة موخداع
الغير شخصك يابطل تستنظرة
يعني عرض ازياء عندك ياغشيم
هذا منكر والإسلام لينكره
لعرض من ينجاس لثكه ما تزول
لاكسر ياغاتي وانت تجبره
انتفض للدين لا تبقه ضعيف
وحارب الشيطان تكدر تقهره
وفضفضي الجلباب يا بنت الحلال
مولبس جبه فتن ومخصرة
لولبس ستريج واضح للعيان
وبدي للصرة ومفاتن ظاهرة
أنت ريم بوسط غابة تعج وحوش
الحذر واجب وأنتي أصلج جوهرة
وغضي عينج خاف تزحف للحرام
وخلي لله العين دوما ناظرة
اكو نسوان البخت كلهن حياء
هيبه عفه ودين والحق طاهرة
تمسكي بحب النبي وأسم البتول
هذا حصن الله والله الناصرة
ما أقوله هو من النصيحة وانا اولى بها
رد مع اقتباس
المشاركة الأصلية كتبت بواسطة حفيدة حمورابي
