خل احجيلك هاي السالفةالمشاركة الأصلية كتبت بواسطة Laith Kaser
جان عندي صديق اثق بي ثقة عمياء جدا
اجاني بيوم من الايام ب2014 وكلي فقار شتكول لون نطلع للخارج وية
ذولة المهاجرين
كتلة يمعود شلنه بهالدوخة خلينة عايشين هنا بين اهلنا
ليش نعيش غربة
وشيل هاي الفكرة من راسك
المهم ورة يومين اجاني كلي فقار محتاج 9 ملايين اذا تكدر ادبرلي
حتى لو تداينلي منا منا
4 ايام وارجعهن
ماكتلة شتسوي بيهن كتلة ابشر
تعال الفلوس موجودة
اجة اخذهن وراح
ورة يومين دك علية بالماسنجر
اتصال فيديو
فتحت الكامرة واشوفة بمكان مو مال عراق
لك هاي شنو انت وين
جان يكلي والله يا اخوية اني بتركيا
وحبيت اتصل عليك تبريلي الذمة
هسة راح اصعد بالبلم بالبحر وكلشي يصير خاف نغرك ونموت
اي وين رايح
والله رايح الأوربا
ثنينه ما تطرقنا لل9 ملايين
والروحة روحة
وضل كل اسبوع يتصل وميجيب طاريهن
الى ان ورة سنتين جان يكلي ترة بس الله يسهل وينطوني راتب والجنسية
ماناسيك
والهذا اليوم لا ابو علي ولا مسحاتة
صح اندل بيتهم واكدر اخذهن منهم بأي طريقة
بس الزاد والملح والصداقة وكفت بعيني
وراحت فلوسي بسبب الثقة العمياء
