لا تحط عينك على المايشتهيك
تصير وكحه عيون شماتك عليك
ولا تبيع الباعك بسعر التراب
يجوز يوم يصير عنده ويشتريك
ولا تسلم .... قصدي سلم ..... بس سلامك لا يطول .....بس يطول واهسك ينكسر ل جاوب هله
ولا تحب .... لا قصدي حب بس حب خفيف
ماكو حب يفوق حب عنتره لعبله وعبله ما صارت اله
اليحب بفعاله مو بالتسميات
حب صدك سميه كره .... حته لو صار الكره تتحمله
انا جنت وياك عكس المانصير .............. وعكس ماجان الشماته تريدنه
وجان مفهوم الحزن عدنه الفراق ............. وجان ثابت ما يخلص عيدنه
وجنه أيد بأيد نمشي بلايه خوف .............. وجان نفس العطر ثابت بيدنه
هسه ليش تغيرت كلي شجاك ................. وليش تستخسر علي حته السؤال
ضعف شوف عيوني من كد ما أنوح ........... ونطبك خدي اليمين عله الشمال
لا أراديه الشفايف تحجي بيك .................... أي وحق الخالقك بس للدلال
انه حبيتك بحب ماكو أخوه ................ مثل حب طيور حب حبيتك
ما أجيتك مو لأن ماريد أجيك ............ لا لأن بيك انه هل ماجيتك
عيوني انته وبيك ابجي وبيك أشوف .............. لهلسبب بعيوني ما خليتك
انته لمن كتلي محتاج الحنان .............. كل حنان أمي الأخذته أنطيتك
تدري أول مره حاجيتك شصار.......... أدي صفكتلي لأن حاجيتك
انه أفرح من ازعلك تدري ليش ............. لأن تفرح انته لو راضيتك
رد مع اقتباس
