لا تطلب السيف
.....،........................................
ضحك. لوحزن. لوحسرات.........
لو..دمعت حبيب مفارج اومجبل
لو.عشك الصرايم للگطه بالگيض..
وامل فلاح من يحصد بديه سنبل
لو. فرحة طفل بالحنه يوم العيد.
اولو.عريس ومه ابزفته اتهلهل.....
اولو.فرحت حديثه بشوفت النيشان.................
اوبهدوم الالوان ترتب اوتعدل
اولو دمعة امسافرللوطن من عاد..
والام مالگاهه اگباله تستقبل
اولو.وگفة الجاتل دخل عالمجتول..
گلي ابيا وجه هالعطوه من يدخل
عشنه ويه الظلام اوليل يسبگ ليل
مانعرف شمس بس ليلنه امجلجل
الشمس صارت ابعيده اوبعد ماتنلاح............
وكحيلان تاه اوبعد مايصهل
گلنه الطلبه سهله اتخلص ابيومين.
مثل عركة عشايربالبخت وتفل
الحجي رايدله نشمي اربات كل ديوان.........................
اوجدامه الزلم لوزعل توگف كل
موش عگال مرعز والعباه ترگال...
اوتغلبه حلوك غيره اويرجع مهدبل...................................
يالخليت ميله ابنصبت الگبان....
الحايط طاح خايب گوم ليه اعدل..
اويلخلبصت بيدك غزلك اومطواك
نسيت الراس مالك ماتعرف اتفل
عندك زلم صلفه اتخاوت ويه الموت.......
ماتغفه اعله شينه اولا تطخ للذل..
ليش اتبيعه ابرخص الثمن للغير
وتجيب الحثاله اودونها اتماطل
حط ايدك بديه اوشوفني انه اشلون
اوشد بيه ا حزامك لاتظل اتحل
لاتطلب السيف.. السيف عد يمناك
بس بالك امنيدك يوگع اوينصل
اذا منك وگع جف غيرك اتولاه.....
واول ما يكظه بجسمك ايفصل
وذا منك خذاه يذبحني آنه وياك...
اويرد بيه اعله اهلنه النوب هم يكتل..
خل نشبج العشره انصيرفد احزام.
ونشهد علينه الباري ونكفل
اذا مني تخاف. خلني بالگدام.....
لأجل الوطن صدگ أنه حيل احمل..
ب..ق..عبدالامير البديري
..
رد مع اقتباس
)
