اجلبنك يليلي 12 تجليبه
ورد صايم نهاري وماكو تشريبه
ارد صايم نهاري والتتن ممنوع
لاهو يوم لايومين لاهو اسبوع
شهر گالو تصوم ولاتظل مفجوع
ماهمني الاچل لاچن تشاريبه
ماهمني الاچل بس التتن مريود
شلون احمل افراگه والگلب ممرود
ان جان يخلص صومي ورد ليك اردود
لچلب بالجگاره شلون تچليبه
… .
اچلب بالجگاره وماافك ياخه
اعمه ومن يعرت يدوي صراخه
اداوي سهام هجره وضيمه وصياخه
انا بنار الجگاره هواي الي طيبه
…
هواي من العلل تسكن على الدخان
نار اداوي نار ولو تشب بركان
مهي اطيب العلل وتواسي كل حزنان
مثل فزعتهه مامش ساعة النيبه
....
مثل فزعتهه مامش لا اخو ولا عم
تنزل عالگلب والروح چالبلسم
وين الگه مثلهه اليسري وي الدم
تداوي جروح گلبي ونار تعذيبه
علي تكليف الصگبان
رد مع اقتباس