شتريد تسميني سميني
و غشيم و ما اعرف باليعاديني
جبت عمري سكة قطار
بس الفرق محد يتانيني
خلص عمري و ما جن
انا ذاك العشريني
حسبة تجيبني حسبة توديني
شلت هم المالهم واحد
و بهمومي ما واحد يجيني
حسبالك غشيم اي كول التريدة
انا حبر ذاك الورق ع الجريدة
انا الساعي برسايل ناس
و فلا يوم شح و فرغ بريدة
انا كل للمالهم احد بس للاسف محد يريدة
انا ونة امهات انا قافية بكل قصيدة
عمر اليمر ما بيه فرح
انا الما فرح مرة بعيدة
انا عين العراك
انا هايم بهواك
أنا النعرف ذاك
بعيد و عيونك جابته
ظلام و عينك دلته
انا الخلص عمرة هايم بديرة مو ديرته
حقي اتيه لو شفتك
الشمس تخجل من طلعتك
و الكمر ما احجيلك عليه
من اليوم الطلعت بيه يحجي بسيرتك
ترة ما المفروض اهلك يطلعونك
المفروض يخافون من الشارع على عيونك
ترة حقي أخاف الحساد اهواي
اذا هو السلف و اهل السلف يتانوك
بقلمي ... الكاتبة وهج الزهراء 313
رد مع اقتباس
المشاركة الأصلية كتبت بواسطة Sky Legend
