المقادير لكيلو واحد دقيق..
2 كوب سمنة وبالجرام هتكون ٥٢٠ جم (ده للناس اللى بتحبوا ناعم اوى) اللى بيحبوا اخشن شوية هيبقى ٥٠٠ جم يعنى كوبايتين الا معلقة تقريباً
3 معالق كبار سمسم محمص
3 معالق كبار لبن بودر لو موجود
معلقة كبيرة خميرة
معلقة صغيرة مليانة بيكنج بودر
معلقة كبيرة سكر لتفاعل الخميرة
معلقة صغيرة بودر ريحة الكحك
معلقة كبيرة سكر بودرة تخلط مع الدقيق بيوحد لون الكحك من جوة وبرة ويبقى لونه محمص وجميل جدا
رشة ملح
ملحوظة ...
الكحك لما بيتعجن بالميه بيكون أنعم وأخف من اللى بيتعجن باللبن وإحنا معوضين طعم اللبن باللبن البودرة فى المقادير
كمية الميه هتكون ١٥٠ مل للناعم و ١٧٠ مل للخشن.
الطريقة..
هضيف الخميره على ربع كوباية ميه دافية واضيف عليها معلقة السكر واقلبها كويس وتسببها تخمر على جنب
السمنة السايلة (السمنة تبقى دافية مائلة للسخن مش مقدوحة) علشان تكون خفيفة على المعدة وماتعملش حموضة.
يفضل السمنة البلدى الطبيعى لأنها ما بتعملش حموضة على عكس النباتى ، وممكن نعمل خليط تلت نباتى وتلتين بلدى علشان التكلفة.
هضيف باقى المكونات الجافة (البيكنج بودر واللبن البودرة وريحة الكحك والسكر البودرة) على الدقيق واخلطهم كويس
هنضيف السمنة على الدقيق ونبسها بإيدينا كويس فى الدقيق لغاية ما كله يتشرب ..(الكحك مش بيتعجن جامد) لازم كل الدقيق يتشرب السمنه كويس جداا ودى أهم خطوة علشان الكحك يطلع ناعم
وبعدها نضيف الخميرة بعد ما تكون خمرت وارتفعت فى الكوب ونبتدى العجن
هنستخدم فى العجن نص كوباية لبن حليب او ميه اللى متاح
وهنضيفهم شوية بشوية
بلاش نضيف سوائل كتير نص كوباية كفاية لأن السوائل لما بتزيد بتكون هى السبب الرئيسى فى نشفان الكحك
ممكن العجينة تبقى شكلها مفرولة لكن المهم انى لما اشكلها تتشكل معايا بسهولة بكده يبقى خلاص
بعد العجن هغطيها كويس فى مكان دافى واسيبها ترتاح وتخمر لمدة ساعة
بعدها ببتدى اشكلوا ولو فى حشو احشيه وتكون الحشوة مش كتير عشان ما يفتحش ويشقق فى السوى
رد مع اقتباس
المشاركة الأصلية كتبت بواسطة Nazkul
