هنا

[الملاذ الاخير]

حَمّل ياوطن زفات سنين وتحلم بفرحة
..



على نار الصبر شكد شجرت تنور ..
وخبزت الليالي بطعم نومي الراح

مرأة الحياة وبيها اشوف اشكال ..
وكل صورة التمسها الكة بيها جراح

كل صورة احسها تحز وريد الروح ..
وكل منظر شمر والعافية التنزاح

مرة انظر واشوف بصورة فد اطفال ..
والدهم شهيد القاتل بدم وكفاح

ومرة انظر واشوف الوطن والجاريه ..
مثل وجوه ساستنا الشرفهم داح

...

الجار مثل الاخو ان صح صدك جارله
يوكف وكت محنته ولحظة الزمن جارله
مو ماي لجله يسح دم ركبته جارله
جا غير نشهد اخوه ولجرحي يصبح دوه
ومدفع الروح الصرخ وبحبه كلش دوة
ولحظة يكع لو يون اكليبي يعني دوة
وانتهى باخر نبض لمن رحل جارله ( جا ريله .. القطار )


خربشات .. احمد الگرعاوي

[ريـــم]

شگد توجع الگلب ، سـلم القلب والقلم ..

احمـد مشتاقين لكتاباتك جداً

[مِـيهہرَمــآهہ ♬✿]

حمادة المبدع.

عاشت ايدك

[أبن ألأشتر]

الجار مثل الاخو ان صح صدك جارله
يوكف وكت محنته ولحظة الزمن جارله
مو ماي لجله يسح دم ركبته جارله
جا غير نشهد اخوه ولجرحي يصبح دوه
ومدفع الروح الصرخ وبحبه كلش دوة
ولحظة يكع لو يون اكليبي يعني دوة
وانتهى باخر نبض لمن رحل جارله
..........
يكول خربشات يقصد التواضع
حتى لايجرح كبار الشعراء
عمي يحمد لوانا هيج اخبرش
الا امزق صفحات المنتدى
خربش يبه خربش
حفظك الله ورعاك يامبدع

[الملاذ الاخير]

انستازيا
بقلاوة
ابن الاشتر
..

امتنان بحجم روعتكم وحضوركم الانيق
لا حرمنا

[زفير]

كبير انت يا احمد
ولك ترفع القبعة

[مهدويّة.❀]

احساس راقي ، دام نبضك أخي احمد ..

[الملاذ الاخير]

زفير
احاسيس مهدوية

لكم جزيل الشكر من الاعماق .. لاحرمنا من هطولكم العبق