شــايب
وبصلاته ينـاجـي الرحمـن
ياربي رحمتــك واسعة
وتزهـي
الك وَجهتَ وَجهي..
ربي عندي اطفال
باجــر بيـش اوجـه لو كلــو وَجهي ؟؟
شايب
ماتجــاوز عمــرة بالخمسين
وجان انكلّـة شاب
العمـرة مية وفوكَ
هسة الضغـط
صاعد فوك مهـر الحيل
عكس الجـيب
نازل من يطـب السـوكَ
جن كِسـرة خبز
كَسـرة الخاطر بيـه
يسحكـها الوكت ..
وشيجبـر المسحوكَ ؟
وخاطر
لا تشــوفة الناس فارغ جيب
من يطلـع...
بجيبــة يحط ورق مطبوكَ !
يحفـظ ماي كصتـة
النخـل من يجـوع
ميتة عـروك كَلبة
وعدلة بي العثــوكَ
شايل عمــرة بيدة سنين
حـرب وعـوز
بحيث
بطرف ردنة تشـم وطن محـروكَ
خـرز سبحـة سنينـة
البيـدة جانن سـود
گلبَـن بيض هسة
بلـون شيـب الجوع
نهر احلامـة يجري بنص خيالة
سنين
وكل ليلة بخيالة
يسوي فــد مشروع
بنهر احلامـه سارح
ماسمـع شتكول
بتّه بحسـرة( بابا المـاي هم مكطـوع !)
چن ضغطـة گبر
ضغطت بعينة هموم
نزلن حاجبة
ومانزللها دمـــــوع
بگد عفّة بناته
دموعة محفوظات
واغلى من الحجي
العـذّان مامسموع
شايب
مايبيع دموعة
بس لـ الله
جاليش الوطن
بابخس سعر مبيوع؟؟
جاليش الوطن بابخس سعر مبيوع؟؟
خالدالسعد
رد مع اقتباس
المشاركة الأصلية كتبت بواسطة صادق الساعدي
