درر العراق

ارجع يازمان · 23/April/2021

بعد هيهات ترجع ذيج الايام
حلم جنها حلم راحت علينه,
.
أيام النحبها .. صارت أوهام
انتظرناها , تجينه,, وما تجينه!
.
حلوه أطباع اهلنه والها نحتام
ليش اهل المحنه اكطعوا بينه!
.
ضلت ذكريات اجيب الالام,,
خلت حسره بالروح الحزينه,
.
مدري اشأخرانه ؟ وجنه كدام!
وهسه احنه اعله كلشي اتندمينه!
.
انكول الزمن والدنيا ظلام!
ولا جن الجرى كله امندينه!
.
جان العيد عيد ايلم الارحام..
وكليجة طرف تفتر علينه!
.
هسه امكاطع وحسبالك أصنام,,
ابحجة ضروف .. الماهي زينه!
.
جان الملح من أركان الاسلام
اليضوك الزاد ميشيل الضغينه,,
.
بعد ماضل يعثر ذيج الاجدام ,,
لأن شافانه احنه اتموصخينه!
الملح شافانه حيل اتموصخينه!!
حسين االساعدي