قصيده للعليله عليها السلام
...
يمفجر عيون الحجر
داعيتك ٳبااغله بشر
بداعة حسين وفاطمه
رجع هلي من السفر
.......
من هب نسيم العاطفه ودموعي نزلت من جمر
العبره تخنگني وٳون ولحالي ينفع ياصبر
طفله وبقيت ابلا إهل وتخنكني النسمه التمر
البيت الي يفارگ ابو مابيه فرق عن الگبر
راح الابو وماضل ٳمل
وبگلبي بركان اشتعل
ادعي يرب المرحمه
رجع هلي من السفر
.........
صفناتي اكبر من عمر صفنة غريب ابلا وطن
من كد بـﭼـاي ودمعتي عيوني يالغالي نعمن
شجرة وخريفك لويمر يطيح الورد يذبل غصن
مومن مواجع علتي من غيبتك يابويه اون
ياصفنت ليالي الهجر
كل لحضة من عدها تمر
اتوسل لرب السمه
رجع هلي من السفر
...
يارجوتي بكل شدتي يارب محمد يارب
البيت صاير مقبره وبغياب ابوي اتعذب
راحت رقيه بالضعن وموعد جروحي تقرب
هوه اليفاركله اخو بالخيمه ﭼـنه تسلب
كل ساعة من هجرك شمر
وجم حافر يهشم الصدر
واذني يخر منها دمه
رجع هلي من السفر
..
مرات اذا صدري ختنك اثيابه اركض ليهه
احضنها ودموعي تصب وشتم عطرهم بيهه
ولحجرة الاكبر علي ضلمه بدمعتي اضويهه
يابعد اخيتك ماتحن اختك تمر اعليهه
عشرتنه ياوسفه نتهت
تدري العليله تسلبت
سهم الهجر ليهه نرمه
رجع هلي من السفر
..
علي محسن حسن
رد مع اقتباس